ឯកឧត្តម ប្រាក់ សំអឿន ដឹកនាំចំកិច្ចប្រជុំពិនិត្យមើលវឌ្ឍនភាព និងបញ្ហាប្រឈម នៃការផ្តល់សេវារដ្ឋបាលរយៈពេល ៩ខែ របស់អង្គភាពច្រកចេញចូលតែមួយរាជធានីខេត្ត

ភ្នំពេញ៖ នាថ្ងៃទី១៤ ខែតុលា ឆ្នាំ២០២២ នៅសាលាខេត្តកំពត បានរៀបចំកិច្ចប្រជុំពិនិត្យមើលវឌ្ឍនភាព និងបញ្ហាប្រឈម នៃការផ្តល់សេវារដ្ឋបាលរយៈពេល៩ខែ របស់អង្គភាពច្រកចេញចូលតែមួយរាជធានីខេត្ត ក្រោមអធិបតីភាពឯកឧត្តម ប្រាក់ សំអឿន អគ្គនាយក នៃអគ្គនាយកដ្ឋានរដ្ឋបាល ក្រសួងមហាផ្ទៃ និងឯកឧត្តម បណ្ឌិត ម៉ៅ ធនិន អភិបាលនៃគណៈអភិបាលខេត្តកំពត។

កិច្វប្រជុំនាព្រឹកនេះមានការអញ្ជើញចូលរួមពីឯកឧត្តម អគ្គនាយករងរដ្ឋបាល ឯកឧត្តម អគ្គនាយករង និងជាប្រធាននាយកដ្ឋានមុខងារ និងធនធាន លោកប្រធាន អនុប្រធាននាយកដ្ឋាន និងមន្ត្រីបច្ចេកទេស ក្រសួងមហាផ្ទៃ លោក លោកស្រីនាយក នាយករងរដ្ឋបាលរាជធានី ខេត្ត និងលោក លោកស្រីប្រធាន អនុប្រធានអង្គភាពច្រកចេញចូលតែមួយរាជធានី ខេត្ត។

កិច្ចប្រជុំក៏មានការធ្វើបទបង្ហាញ:
-ពីវឌ្ឍនភាព និងបញ្ហាប្រឈម នៃការផ្តល់សេវារដ្ឋបាលរយៈពេល៩ខែ របស់អង្គភាពច្រកចេញចូលតែមួយរាជធានី ខេត្ត ដោយនាយកដ្ឋានមុខងារ និងអនធាន ក្រសួងមហាផ្ទៃ
-ការចែករំលែកបទពិសោធន៍ នៃការសម្របសម្រួល និងទំនាក់ទំនងការងារ ជាមួយមន្ទីរ អង្គភាពជំនាញជុំវិញខេត្ត ក្នុងការផ្តល់សេវារដ្ឋបាលតាមអង្គភាពច្រកចេញចូលតែមួយខេត្តកំពត ដោយលោកប្រធានអង្គភាពច្រកចេញចូលតែមួយខេត្តកំពត
-ការផ្សព្វផ្សាយព័ត៌មាន និងការជុំរុញការផ្តល់សេវារដ្ឋបាលជូនប្រជាពលរដ្ឋតាមរយៈអង្គភាពច្រកចេញចូលតែមួយ ដោយលោកប្រធានអង្គភាពច្រកចេញចូលតែមួយខេត្តបន្ទាយមានជ័យ
-និងការចែករំលែកបទពិសោធន៍នៃការអនុវត្តប្រព័ន្ធទូទាត់វិក្កយបត្រ (Payment Hub) ដោយលោកប្រធានអង្គភាពច្រកចេញចូលតែមួយខេត្តកំពង់ចាម ៕