ឯកឧត្ដម ឈើយ ចាន់ណា ជួបសំណេះសំណាល នាំយកអំណោយរបស់សមាគមមូលនិធិមនុស្សចាស់ ចែកជូនចាស់ជរាគ្មានទីពឹង ក្នុងសង្កាត់ទាំង៧ ក្រុងសិរីសោភ័ណ

ភ្នំពេញ៖ កាលពីថ្មីៗនេះ ឯកឧត្ដម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៤ ឯកឧត្ដម អុី ឡុង តំណាងរាស្រ្តមណ្ឌលខេត្តបន្ទាយមានជ័យ តំណាងដ៏ខ្ពង់ខ្ពស់ឯកឧត្ដមនាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រីប្រធានអជ្ញាធរជាតិប្រយុទ្ធប្រឆាំងគ្រឿងញៀន និងជាប្រធាក្រុមប្រឹក្សាភិបាលសមាគមមូលនិធិមនុស្សចាស់ លោក ជាម សុខ ប្រធានក្រុមប្រឹក្សាក្រុង និងសមាជិក លោក ស្រេង សុផល អភិបាលក្រុង និងអភិបាលរង បានជួបសំណេះសំណាល នាំយកអំណោយរបស់សមាគមមូលនិធិមនុស្សចាស់ ចែកជូនចាស់ជរាគ្មានទីពឹង៥៦នាក់ ក្នុងសង្កាត់ទាំង៧ ក្រុងសិរីសោភ័ណ ខេត្តបន្ទាយមានជ័យ។

សម្ភារនិងថវិកាមាន៖ ក្រម៉ា១ កំសៀវដាំទឹកអគ្គីសនី១ ពិលជួតក្បាល១ សារុង១ ទឹកដោះគោ៥កំប៉ុង តែ១កញ្ចប់ ស្ករស១គីឡូក្រាម មីកញ្ចប់ថៃ៥កញ្ចប់ កៅអៀកខ្លាបិទ៥បន្ទះ អំបិលអុីយ៉ូត១កញ្ចប់ ប្រេងខ្យល់១ដប ទឹកសុីអុីវ១ដប ទឹកត្រី១ដប ប្រេងឆា១លីត្រ១ដប ត្រីខ៥កំប៉ុង ទឹកសុទ្ធ១យួរ អង្ករ២០គីឡូក្រាម និងថវិកា ៥មុឺនរៀល៕