លោកជំទាវ និន សាផុន អញ្ជើញចូលរួមប្រារព្ធពិធីកាន់បិណ្ឌវេនទី១ នៅវត្តសីហរតនារាម ក្រុងដូនកែវ ខេត្តតាកែវ
ភ្នំពេញ៖ លោកជំទាវ និន សាផុន ប្រធានគណៈកម្មការទី៩ នៃរដ្ឋសភា និងជាតំណាងរាស្ត្រមណ្ឌលខេត្តតាកែវ ព្រមទាំងបុត្រ និងដោយមានការអញ្ជើញចូលរួមពី ឯកឧត្តម អ៊ិត សុខ សមាជិកគណៈកម្មការទី៦ នៃរដ្ឋសភា និងជាតំណាងរាស្ត្រមណ្ឌលខេត្តតាកែវ និងលោកជំទាវ នូ សុវណ្ណនី សមាជិកាគណៈកម្មការទី៩ នៃរដ្ឋសភា និងជាតំណាងរាស្ត្រមណ្ឌលខេត្តតាកែវ និងឯកឧត្តម គិន ណែត សមាជិកព្រឹទ្ធសភា ព្រមទាំងពុទ្ធបរិស័ទជិតឆ្ងាយ នាថ្ងៃទី១១ ខែកញ្ញា ឆ្នាំ២០២២ បានប្រារព្ធពិធីកាន់បិណ្ឌវេនទី១ នៅវត្តសីហរតនារាម ក្រុងដូនកែវ ខេត្តតាកែវ។
ក្នុងឱកាសនោះ លោកជំទាវ និន សាផុន រួមជាមួយឯកឧត្តម លោកជំទាវ ពុទ្ធបរិស័ទ បានបូជាទៀនធូបផ្កាភ្ញីចំពោះព្រះរតនត្រ័យសមាទានសីល ធ្វើកិច្ចបទនមស្ការ ព្រមទាំងបាននាំយកនូវបច្ច័យ ទេយ្យទាន គ្រឿងឧបភោគបរិភោគ ភេសជ្ជៈ និងផ្លែឈើជាច្រើនមុខប្រគេនព្រះសង្ឃចំនួន ១៧៨អង្គ គង់នៅវត្តសីហរតនារាម ដើម្បីឧទ្ទិសនូវផលាអានិសង្ឃជូនទៅដល់វិញ្ញាណក្ខន្ធបុព្វការីជន មានមាតាបិតាជីដូនជីតា ញាតិការទាំង៧សន្តាន ដែលបានចែកឋានទៅកាន់លោកខាងមុខ ៕
