អនុសេនីយ៍ទោ នូ សារ៉ាត់ នាំយកថវិកានិងគ្រឿងឧបភោគបរិភោគ ប្រគល់ជូនគ្រួសារយោធិន ពេលសម្រាកលំហែមាតុភាព
ភ្នំពេញ៖ លោក អនុសេនីយ៍ទោ នូ សារ៉ាត់ នាយរងការិយាល័យទី៣ ដំណាងឲ្យលោក វរសេនីយ៍ទោ ជី សំណំ នាយរងសេនាធិការកងពលតូចថ្មើរជើងលេខ៤១ ទទួលបន្ទុកគ្រប់គ្រង កងអនុសេនាតូចការពារ កងពលតូចថ្មើរជើងលេខ៤១ នាថ្ងៃទី៧ ខែកញ្ញា ឆ្នាំ២០២២ បានដឹកកម្លាំង ចុះទៅសួរ សុខទុក្ខ ដល់គ្រួសារយោធិន ដែលទើបនឹងសម្រាកលំហែមាតុភាព។
ជាមួយគ្នានោះដែរ លោកអនុសេនីយ៍ទោ នូ សារ៉ាត់ នាយរងការិយាល័យទី៣ នៃកងពលតូចថ្មើរជើងលេខ៤១ បាននាំយកគ្រឿងឧបភោគបរិភោគមួយចំនួនរួមមាន អង្ករ២ការ៉ុង ទឹកត្រី១យួរ ត្រីខ១យួរ មី១កេស ទឹកបរិសុទ្ធ ៤យួរនិងថវិការ២២០,០០០រៀលជូនគ្រួសារកងទ័ពលោក នាយឯក ពៅ ដឿន មុខងារយុទ្ធជន កងអនុសេនាតូចការពារ និងភរិយា សន សុខា បច្ចុប្បន្នកំពុងស្នាក់នៅភូមិអូរគគីកណ្តាល ឃុំលំទង ស្រុកអន្លង់វែង ខេត្តឧត្ដរមានជ័យ។
លោកអនុសេនីយ៍ទោ នូ សារ៉ាត់ អំណោយគ្រឿងឧបភោគបរិភោគនៅពេលនេះ កើតចេញពីការផ្តួចផ្តើមយកចិត្តទុកដាក់ពីសំណាក់ឧត្តមសេនីយ៍ទោ នាង ឃីម មេបញ្ជាការកងពលតូចថ្មើរជើងលេខ៤១ និងការគៀងគរសណ្តានចិត្តមិត្តជួយមិត្តក្នុងនាមមិត្តរួមអាវុធជាមួយគ្នា ។
លោកអនុសេនីយ៍ទោ នូសារ៉ាត់ នាយរងការិយាល័យទី៣ នៃកងពលតូចថ្មើរជើងលេខ៤១ បានពាំនាំនូវប្រសាសន៍ផ្តាំផ្ញើ និងសាកសួរសុខទុក្ខ ពីសំណាក់ ឧត្តមសេនីយ៍ទោនាង ឃីម មេបញ្ជាការ កងពលតូចថ្មើរជើងលេខ៤១ ក្នុងពេលសម្រាកលំហែរមាតុភាពនេះ សូម អនុវត្តនូវវិធានការអនាម័យជាប់ជាប្រចាំ តាមវេជ្ជបញ្ជា និងបីបាច់ថែរក្សាទារកឲ្យមានសុខភាពរឹងមាំលូតលាស់ប្រកបដោយបញ្ញា និងក្លាយជាធនធានដ៏សំខាន់សម្រាប់ប្រទេសជាតិ ៕
