សាខាកាកបាទក្រហមកម្ពុជាខេត្តបាត់ដំបង បើកកិច្ចប្រជុំ ត្រៀមរៀបចំសន្និបាតសាខាអាណត្តិទី៦ ឆ្នាំ២០២៥
បាត់ដំបង៖ នៅថ្ងៃទី៩ ខែមិថុនា ឆ្នាំ២០២៥ សាខាកាកបាទក្រហមកម្ពុជាខេត្តបាត់ដំបង បានបើកកិច្ចប្រជុំស្ដីពីការត្រៀមរៀបចំសន្និបាតសាខាអាណត្តិទី៦ ឆ្នាំ២០២៥ ក្រោមអធិបតីភាព ឯកឧត្តម សុខ លូ ប្រធានគណៈកម្មាធិការសាខាខេត្ត និងមានការអញ្ចើញចូលរួមពីឯកឧត្តមអនុប្រធានអចិន្ត្រៃយ៍ ហេរញ្ញឹក លេខាធិការ សមាជិកគណៈកម្មាធិការសាខា លោកនាយក នាយករង និងមន្រ្តីក្រុមប្រតិបត្តសាខាខេត្ត សរុបអ្នក ចូលរួមចំនួន ១៧នាក់ ស្រី៤នាក់ នៅសាលប្រជុំសាខា កក្រក ខេត្តបាត់ដំបង។
កិច្ចប្រជុំនេះមានរបៀបវារៈចំនួន ៥ចំណុច ដូចខាងក្រោម៖
១- បង្ហាញអំពីនិតិវិធីនៃការរៀបចំ
២- ពិភាក្សាស្តីពីការរៀបចំសមាសភាពគណៈកិត្តិយស គណៈកម្មាធិការសាខា
៣-បង្កើតគណៈកម្មការ និងអនុគណៈកម្មការរៀបចំសន្និបាតសាខា
៤- មតិចូលរួមរបស់សមាជិក សមាជិកា និងបញ្ហាផ្សេងៗ។
ឯកឧត្តម សុខ លូ បានជម្រាបជូនថា យោងលក្ខន្តិកៈកាកបាទក្រហមកម្ពុជា ជំពូកទី៥ មាត្រា២៤ស្តីពី សាខារាជធានី-ខេត្ត និងវិធាននៃនីតិក្រមវិធានទី៣៣ស្តីពីសន្និបាតសាខា។ សាខាកាកបាទក្រហមកម្ពុជាខេត្តបាត់ដំបង ប្រារព្ធសន្និបាទសាខា ៦ឆ្នាំម្តង ដូចនេះសាខាខេត្តបាត់ដំបង បានឯកភាពកំណត់យកថ្ងៃទី១២ ខែមិថុនា ឆ្នាំ២០២៥ ប្រារព្វសន្និបាត នៅសាលប្រជុំអគារE សាលាខេត្តបាត់ដំបង។
ឆ្លៀតក្នុងឱកាសនេះ ឯកឧត្តម សុខ លូ ប្រធានគណៈកម្មាធិការសាខាខេត្ត បានមានមតិផ្តាំផ្ញើដល់សមាជិក សមាជិកា គណៈកម្មាធិការសាខាខេត្ត អនុវត្តតាមខ្លឹមសារនៃកិច្ចប្រជុំឱ្យបានល្អប្រសើរ ដើម្បីប្រព្រឹត្តទៅដោយរលូន៕
