អ្នកបើកបរ២៥នាក់ ក្នុងចំណោម២៧៧នាក់ ត្រូវបាននគរបាលឃាត់យកមកអប់រំភ្លាមៗ ក្រោយរកឃើញបើកបរមានជាតិអាកុលលើសកម្រិត

ភ្នំពេញ៖ ដើម្បីធានាបានសន្តិសុខសណ្តាប់ធ្នាប់ សាធារណះ និងសុវត្ថិភាពសង្គម លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ បានអ្នកចេញបទបញ្ជា ដល់ផែនជំនាញ និងបណ្តាអធិការដ្ឋាននគរបាលក្រុង/ស្រុក ឲ្យបើកប្រតិបត្តិការត្រួតពិនិត្យ អ្នកបើកបរមានជាតិស្រវឹង (ជាតិអាកុល) ពេលរាត្រី ដើម្បីរួមចំណែកកាត់បន្ថយអត្រាគ្រោះថ្នាក់ នឹងស្លាប់ ដោយគ្រោះថ្នាក់ចរាចរណ៍ឲ្យនៅកម្រិតទាបបំផុត។

លោកឧត្តមសេនីយ៍ត្រី ង៉ាន់ ចិន្តា ស្នងការរង ផែនការងារសណ្តាប់ធ្នាប់ បានដឹកនាំកម្លាំងការិយាល័យនគរបាលចរាចរណ៍ផ្លូវគោក សហការជាមួយកម្លាំងអធិការដ្ឋាននគរបាលក្រុងប៉ោយប៉ែត បើកប្រតិបត្តិការចុះឆែកអាវុធលើកំណាត់ផ្លូវជាតិលេខ៥ ចំណុចមុខសាលាក្រុងប៉ោយប៉ែត ដើម្បីទប់ស្កាត់អ្នកបើកបរមានជាតិស្រវឹង។

ជាលទ្ធផល នគរបាលជំនាញយើងមានការសង្ស័យ បានធ្វើតេសលើអ្នកបើកបរ រថយន្តតូច ២៧២គ្រឿង, អ្នកបើកបររថយន្តធំ ០៤គ្រឿង, ម៉ូតូ ៤១២គ្រឿង, ម៉ូតូកង់បី ១១គ្រឿង, ពិនិត្យអ្នកបេីកបរសរុប ២៧៧នាក់ ស្រី៥៩នាក់។ ក្នុងនោះអ្នកបើកបរមាន ជាតិអាល់កុល ២៥នាក់, ម៉ូតូ ១៩គឿង, រថយន្តតូច ០៦គ្រឿង ត្រូវបានធ្វើការអប់រំនៅនិងកន្លែង អោយថយជាតិអាល់កុល និងអោយសាច់ញាតិមកយកត្រឡប់ទៅលំនៅដ្ឋានវិញ ៕