នគរបាលក្រុងពោធិ៍សាត់ ឃាត់ខ្លួនជនសង្ស័យ២នាក់ ពាក់ព័ន្ធករណីប្រើប្រាស់ រក្សាទុក និងជួញដូរដោយខុសច្បាប់នូវសារធាតុញៀន

ភ្នំពេញ៖ នៅថ្ងៃទី១៨ ខែធ្នូ ឆ្នាំ២០២៤ យោងតាមបទបញ្ជាផ្ទាល់របស់លោកវរសេនីយ៍ឯក កែវ សារិ អធិការនគរបាលក្រុង បានអោយកម្លាំងអន្តរាគមន៍នៃអធិការដ្ឋាននគរបាលក្រុងពោធិ៍សាត់ ដឹកនាំដោយលោក អនុសេនីយ៍ឯក យីវ សំណាង នាយផ្នែកប្រឆាំងគ្រឿងញៀន នៃអធិការដ្ឋាននគរបាលក្រុងពោធិ៍សាត់ បានធ្វើការល្បាតតាម គោលដៅសំខាន់ៗ នៅក្នុងក្រុងពោធិ៍សាត់លុះដល់ចំណុចផ្លូវបេតុងខាងជើងផ្សារភូពុយកម្លាំងអន្តរាគមន៍យើងឃើញមុខសញ្ញាគួរអោយសង្ស័យហើយក៏បានធ្វើការឃាត់ខ្លួនដើម្បីសួរនាំនិងធ្វើការឆែកឆេរ ជាលទ្ធផលចាប់បានជនសង្ស័យចំនួន០១នាក់ ឈ្មោះ ជឿ មករា ហៅ មះ ភេទ ប្រុស អាយុ២៥ឆ្នាំ មុខរបរ កម្មករ រស់នៅភូមិត្រាង សង្កាត់ស្វាយអាត់។ វត្ថុតាងចាប់យកបានរួមមាន ១-ទូរស័ព្ទចំនួន ០១ គ្រឿង ម៉ាក Oppo ពណ៌ខៀវ ២-ម្សៅក្រាមពណ៍សថ្លា សង្ស័យជាសារធាតុញៀន ចំនួន ១៣ កញ្ចប់ សាច់ថ្នាំសុទ្ធ ៣,៥៨ ក្រាម ៣-ម៉ូតូចំនួន ០១ គ្រឿង ម៉ាក ហុងដាឌ្រីម ពណ៍ ខ្មៅ ៤- កូនកាបូបពណ៍ខ្មៅសម្រាបដាក់គ្រឿងញៀនចំនួន ០១។

ជនសង្ស័យ រួមជាមួយវត្ថុតាងត្រូវបានឃាត់ខ្លួននឹងរក្សាទុកនៅអធិការដ្ឋាននគរបាលក្រុងពោធិ៍សាត់។ ហើយកម្លាំងជំនាញយើងបានធ្វើការស្រង់ចម្លើយជនសង្ស័យបានឆ្លើយសារភាពថាថ្នាំញៀនដែលនៅនិងខ្លួនគឺជារបស់ឈ្មោះ គីម ហៀង ភេទប្រុស អាយុប្រហែល ៣៨ ឆ្នាំ រស់នៅភូមិក្រាំងពភ្លាក់ សង្កាត់ស្វាយអាត់ បានប្រើខ្លួនអោយយកគ្រឿងញៀនទៅលក់។ ដល់ម៉ោងប្រហែល១៤និង២៥នាទីល្ងាចឈ្ល្មោះ គីម ហៀង បានខលទូរស័ព្ទមកឈ្មោះ ជឿ មករា អោយទៅជួបនៅផ្លូវវាងក្រុងស្ថិតនៅភូមិអូរស្ដៅ សង្កាត់ផ្ទះព្រៃ ហើយយើងក៏បានដាក់កម្លាំងអោយចុះទៅទីតាំងនោះក៏ឃើញជនសង្ស័យកំពុងនៅចាំនៅទីនោះហើយកម្លាំងយើងក៏បានធ្វើការឃាត់ខ្លួនដើម្បីសួរនាំនិងធ្វើការឆែកឆេរ និងឃាត់ខ្លួនបានម្នាក់ទៀតឈ្មោះ គឹម ហៀង ភេទ ប្រុស អាយុ៣៨ ឆ្នាំ មុខរបរ កម្មករ រស់នៅភូមិក្រាំងពភ្លាក់ សង្កាត់ស្វាយអាត់។

វត្ថុតាងរួមមាន ១-ទូរស័ព្ទចំនួន ០២ គ្រឿង ម៉ាក Oppo ពណ៌ខ្មៅ ២-ម្សៅក្រាមពណ៍សថ្លា សង្ស័យជាសារធាតុញៀន ចំនួន ២០ កញ្ចប់ សាច់ថ្នាំសុទ្ធ ៦,៩៨ ក្រាម ៣-ម៉ូតូចំនួន ០១ គ្រឿង ម៉ាក យ៉ាម៉ាហាវីណឺរ ពណ៍ ខ្មៅ ៤-កូនកាបូបពណ៍ប្រផេះសម្រាប់ដាក់គ្រឿងញៀនចំនួន ០១ ៥-លុយចំនួន ៤៥៩,០០០ រៀល។

បច្ចុប្បន្នជនសង្ស័យ រួមជាមួយវត្ថុតាងត្រូវបានឃាត់ខ្លួននឹងរក្សាទុកនៅអធិការដ្ឋាននគរបាលក្រុងពោធិ៍សាត់៕