សមត្ថកិច្ច វ៉ៃខ្នោះអ្នកបើករថយន្ត BMW មួយគ្រឿងនៅខេត្តសៀមរាប ពាក់ព័ន្ធការទូទាត់ថ្លៃទិញឡានហើយបង្កកលុយក្នុងកុងវិញ

ភ្នំពេញ៖ ស្នងការដ្ឋាននគរបាលខេត្តសៀមរាបបានឃាត់ខ្លួនមនុស្សចំនួនពីរនាក់ ដែលបើកបររថយន្ត BMW i8 មួយគ្រឿងពណ៌ខៀវលាយក្រហម ផ្លាកលេខភ្នំពេញ 2BI-8000 នៅលើផ្លូវ៧មករា មុខសាលារៀនភ្យូឆឺរប្រាយ (Future bright) ស្ថិតក្នុងភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប នាថ្ងៃទី១២ ខែតុលា ឆ្នាំ២០២៤។

ជនរងគ្រោះបានឱ្យដឹងថាគាត់បានលក់រថយន្តមួយគ្រឿងឱ្យបុរសម្នាក់ ហើយអ្នកទិញនោះក៏បានបាញ់លុយចូលតាមរយៈកុងធនាគា ក្រោយមកលុយនោះក៏ត្រូវបានបង្កកពីកុងធនាគារគ្មានមូលហេតុទៅវិញ។ ជនរងគ្រោះក៏កេីត ចិត្តសង្ស័យប្ដឹងឱ្យសមត្ថកិច្ចឲ្យជួយអន្តាគម៍។

មុនឃាត់ឡានបាន ជនរងគ្រោះបានសម្រេចចិត្តបង្ហោះរូបឡាន តាមFacebook ដែរដោយភ្ជាប់ខ្លឹមសារយ៉ាងដូច្នេះថា៖ «ខ្ញុំបាទបានលក់ឡាននេះដែលមានលេខឡានដូចខាងក្រោមទៅអោយជនមិនស្គាល់មុខទាំងពីនេះ ហើយគាត់ក៏បានបាញ់លុយគ្រុប់ចំនួន៤២០០០$ចូលកុងអេសុីលីដារបស់ខ្ញុំ ហើយខ្ញុំក៏បានអោយឯកសារទៅគាត់ទាំងអស់ ហើយប្រហែលមួយម៉ោងក្រោយមកគាត់ក៏បានប្លុកកុងរបស់ខ្ញុំមិនអោយបាញ់លុយចេញបានឡើយ។ បើបងប្អូនបានឃើញឡានប្រភេទនេះរឺមនុស្សពីនាក់នេះ សូមជួយប្រាបខ្ញុំផងដើម្បីអោយគាត់ចូលខ្លួនមកដោះស្រាយតាមផ្លូវច្បាប់»។

មកទល់ពេលនេះ សមត្ថកិច្ចនៅពុំទាន់បង្ហាញពីអត្តសញ្ញាណរបស់ជនសង្ស័យទាំងពីនៅឡើយទេ ដោយឱ្យដឹងព័ត៌មានបឋមសិនថា ជនជាប់ចោលទាំងពីនោះក្រោយសម្ថកិច្ចឃាត់ខ្លួនក៏ធ្វេីតេស្តឃេីញនូវសារធាតុញៀនផងដែរ។ យ៉ាងណាមិញ លោកឧត្តមសេនីយ៍ទោ ស្នងការ បានអះអាងថា វាជាបទល្មើសជាក់ស្ដែង ហើយបច្ចុប្បន្នកំពុងតែដំណើរការនិតិវិធី ៕