ឧបនាយករដ្ឋមន្ត្រី ហង់ជួន ណារ៉ុន គូសរំលេចអំពី ទិសដៅអាទិភាពសំខាន់ៗ ៨ចំណុច ដើម្បីឆ្លើយតបនឹងបរិវត្តកម្មអប់រំ

ភ្នំពេញ៖ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា នាថ្ងៃទី២៦ ខែមិថុនា ឆ្នាំ២០២៤ បានទទួលជួបសម្តែងការគួរសម និងពិភាក្សាការងារជាមួយ សមាគមអតីតនិស្សិតនៃមហាវិទ្យាល័យអប់រំ នៃសាកលវិទ្យាល័យជូឡាឡុងកន (Chulalongkorn University Education Alumni Reunion) ដឹកនាំដោយ Asst. Prof. Athapol Anunthavorasakul និង Asst. Prof. Jutarat vibulphol និងមានការចូលរួមពីសំណាក់ឯកឧត្តម លោកជំទាវ លោក លោកស្រី មន្ត្រីពាក់ព័ន្ធក្រោមឱវាទក្រសួង។

មានប្រសាសន៍ក្នុងឱកាសនេះ ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានចែករំលែកពីបទពិសោធន៍របស់ឯកឧត្តមក្នុងនាមជាអតីតនិស្សិតថ្នាក់បណ្ឌិត នៅមហាវិទ្យាល័យអប់រំ នៃសាកលវិទ្យាល័យជូឡាឡុងកន ដែលកាលនោះបានធ្វើការសិក្សាស្រាវជ្រាវលើប្រធានបទស្តីពីកំណែទម្រង់វិស័យអប់រំ។

ជាមួយនេះដែរ ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានរំលឹកដល់វឌ្ឍនភាពសំខាន់ៗក្នុងវិស័យអប់រំនៅកម្ពុជា ក៏ដូចជាកំណែទម្រង់វិស័យអប់រំជាច្រើនដំណាក់កាលមកទល់បច្ចុប្បន្ននេះ ព្រមទាំងបានគូសរំលេចអំពី ទិសដៅអាទិភាពទាំង៨ចំណុច ដើម្បីឆ្លើយតបនឹងបរិវត្តកម្មអប់រំ រួមមាន ៖

(ទី១). កំណែទម្រង់សាលារៀន ដើម្បីបង្កើនគណនេយ្យភាព និងស្វ័យភាពរបស់សាលារៀន ដើម្បីលើកទឹកចិត្តដល់ការចូលរួមរបស់សហគមន៍ ពង្រឹងទំនាក់ទំនងរវាងសាលារៀន និងមាតាបិតា បង្កើនថវិកាដំណើរការសាលារៀន បង្កើនចំនួនសាលារៀនជំនាន់ថ្មី និងសាលារៀនគំរូ លើកកម្ពស់ការរៀនភាសាខ្មែរ គណិតវិទ្យា វិទ្យាសាស្ត្រ បច្ចេកវិទ្យា និងភាសាបរទេស ។
(ទី២). បន្តយកចិត្តទុកដាក់ដល់គ្រូបង្រៀន និងកំណែទម្រង់គ្រឹះស្ថានបណ្តុះបណ្តាលគ្រូ បង្កើនប្រាក់បៀវត្សរ៍គ្រូ បង្កើនគុណវុឌ្ឍគ្រូបឋមសិក្សា និងគ្រូមូលដ្ឋាន ឱ្យដល់កម្រិតបរិញ្ញាបត្រ ចំណែកគ្រូឧត្តមឱ្យដល់កម្រិតបរិញ្ញាបត្រជាន់ខ្ពស់ កែលម្អកម្មវិធីសិក្សា និងហេដ្ឋារចនាសម្ព័ន្ធឱ្យស្របទៅតាមបរិបទសតវត្សរ៍ទី២១។
(ទី៣). លើកកម្ពស់បរិវត្តកម្មឌីជីថលនៅក្នុងការអប់រំ ផ្តោតលើការផលិតធនធានឌីជីថល វិធីសាស្ត្របង្រៀន វីដេអូសម្រាប់ដំណើរការប្រព័ន្ធអប់រំតាមបែបអេឡិចត្រូនិក ។
(ទី៤). ជំរុញការអប់រំវិទ្យាសាស្ត្រ និងបច្ចេកវិទ្យា សម្រាប់សិស្សានុសិស្ស ប្រកបដោយសមធម៌ គុណភាព និងប្រសិទ្ធភាព បង្កើតវិទ្យាល័យពិសេស ផ្តោតលើការបង្រៀនខាងផ្នែកវិទ្យាសាស្ត្រ និងបច្ចេកវិទ្យា ។

(ទី៥). លើកកម្ពស់សុខភាពសិក្សា កែលម្អការប្រតិបត្តិអនាម័យ និងសុខភាពរបស់គ្រូ និងសិស្សានុសិស្សពង្រឹងសុវត្ថិភាពចំណីអាហា ផ្តល់អាហារូបត្ថម្ភ និងអាហារនៅតាមសាលារៀនសម្រាប់សិស្សដោយប្រើប្រាស់កសិផលសហគមន៍ ។
(ទី៦). តម្រង់ទិសការអប់រំសិស្ស និងយុវជនឱ្យ ក្លាយជាពលរដ្ឋល្អតាមរយៈការលើកកម្ពស់ចំណេះដឹង បំណិនជីវិត បណ្ដុះយុវជនឱ្យក្លាយជាពលរដ្ឋល្អ មានបុគ្គលិកលក្ខណៈពេញលេញទាំងរាងកាយ បញ្ញា ស្មារតី។
(ទី៧). បង្កើតមជ្ឈមណ្ឌលឧត្តមភាពគ្រឹះស្ថានឧត្តមសិក្សា ដោយបន្តការធ្វើកំណែទម្រង់គ្រឹះស្ថានឧត្តមសិក្សា ពង្រឹងអភិបាលកិច្ចផ្តល់ឋានៈ និងលើកកម្ពស់គុណវុឌ្ឍសាស្ដ្រាចារ្យ ។
(ទី៨). ពង្រឹងប្រព័ន្ធអប់រំ និងអភិវឌ្ឍសមត្ថភាព ដោយពង្រឹងការគ្រប់គ្រងផ្តោតលើលទ្ធផល និងការអភិវឌ្ឍធនធានមនុស្ស ដើម្បីឆ្លើយតបនឹងនិន្នាការថ្មីៗក្នុងវិស័យអប់រំ។

តាងនាមក្រសួងអប់រំ យុវជន និងកីឡា ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានថ្លែងអំណរគុណចំពោះព្រះអង្គម្ចាស់ក្សត្រិយ៍មហាចក្រីសិរិនថន ដែលបានផ្តល់អាហារូបករណ៍ដល់និស្សិតកម្ពុជា ឱ្យទៅបន្តការសិក្សានៅមហាវិទ្យាល័យអប់រំ នៃសាកលវិទ្យាល័យជុឡាឡុងកន ហើយបានយកចំណេះជំនាញត្រឡប់បម្រើមាតុប្រទេស និងរួមចំណែកអភិវឌ្ឍសេដ្ឋកិច្ចសង្គមជាតិកម្ពុជាឱ្យរីកចម្រើនប្រកបដោយចីរភាព៕

ភ្នំពេញ៖ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា នាថ្ងៃទី២៦ ខែមិថុនា ឆ្នាំ២០២៤ បានទទួលជួបសម្តែងការគួរសម និងពិភាក្សាការងារជាមួយ សមាគមអតីតនិស្សិតនៃមហាវិទ្យាល័យអប់រំ នៃសាកលវិទ្យាល័យជូឡាឡុងកន (Chulalongkorn University Education Alumni Reunion) ដឹកនាំដោយ Asst. Prof. Athapol Anunthavorasakul និង Asst. Prof. Jutarat vibulphol និងមានការចូលរួមពីសំណាក់ឯកឧត្តម លោកជំទាវ លោក លោកស្រី មន្ត្រីពាក់ព័ន្ធក្រោមឱវាទក្រសួង។

មានប្រសាសន៍ក្នុងឱកាសនេះ ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានចែករំលែកពីបទពិសោធន៍របស់ឯកឧត្តមក្នុងនាមជាអតីតនិស្សិតថ្នាក់បណ្ឌិត នៅមហាវិទ្យាល័យអប់រំ នៃសាកលវិទ្យាល័យជូឡាឡុងកន ដែលកាលនោះបានធ្វើការសិក្សាស្រាវជ្រាវលើប្រធានបទស្តីពីកំណែទម្រង់វិស័យអប់រំ។

ជាមួយនេះដែរ ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានរំលឹកដល់វឌ្ឍនភាពសំខាន់ៗក្នុងវិស័យអប់រំនៅកម្ពុជា ក៏ដូចជាកំណែទម្រង់វិស័យអប់រំជាច្រើនដំណាក់កាលមកទល់បច្ចុប្បន្ននេះ ព្រមទាំងបានគូសរំលេចអំពី ទិសដៅអាទិភាពទាំង៨ចំណុច ដើម្បីឆ្លើយតបនឹងបរិវត្តកម្មអប់រំ រួមមាន ៖

(ទី១). កំណែទម្រង់សាលារៀន ដើម្បីបង្កើនគណនេយ្យភាព និងស្វ័យភាពរបស់សាលារៀន ដើម្បីលើកទឹកចិត្តដល់ការចូលរួមរបស់សហគមន៍ ពង្រឹងទំនាក់ទំនងរវាងសាលារៀន និងមាតាបិតា បង្កើនថវិកាដំណើរការសាលារៀន បង្កើនចំនួនសាលារៀនជំនាន់ថ្មី និងសាលារៀនគំរូ លើកកម្ពស់ការរៀនភាសាខ្មែរ គណិតវិទ្យា វិទ្យាសាស្ត្រ បច្ចេកវិទ្យា និងភាសាបរទេស ។
(ទី២). បន្តយកចិត្តទុកដាក់ដល់គ្រូបង្រៀន និងកំណែទម្រង់គ្រឹះស្ថានបណ្តុះបណ្តាលគ្រូ បង្កើនប្រាក់បៀវត្សរ៍គ្រូ បង្កើនគុណវុឌ្ឍគ្រូបឋមសិក្សា និងគ្រូមូលដ្ឋាន ឱ្យដល់កម្រិតបរិញ្ញាបត្រ ចំណែកគ្រូឧត្តមឱ្យដល់កម្រិតបរិញ្ញាបត្រជាន់ខ្ពស់ កែលម្អកម្មវិធីសិក្សា និងហេដ្ឋារចនាសម្ព័ន្ធឱ្យស្របទៅតាមបរិបទសតវត្សរ៍ទី២១។
(ទី៣). លើកកម្ពស់បរិវត្តកម្មឌីជីថលនៅក្នុងការអប់រំ ផ្តោតលើការផលិតធនធានឌីជីថល វិធីសាស្ត្របង្រៀន វីដេអូសម្រាប់ដំណើរការប្រព័ន្ធអប់រំតាមបែបអេឡិចត្រូនិក ។
(ទី៤). ជំរុញការអប់រំវិទ្យាសាស្ត្រ និងបច្ចេកវិទ្យា សម្រាប់សិស្សានុសិស្ស ប្រកបដោយសមធម៌ គុណភាព និងប្រសិទ្ធភាព បង្កើតវិទ្យាល័យពិសេស ផ្តោតលើការបង្រៀនខាងផ្នែកវិទ្យាសាស្ត្រ និងបច្ចេកវិទ្យា ។

(ទី៥). លើកកម្ពស់សុខភាពសិក្សា កែលម្អការប្រតិបត្តិអនាម័យ និងសុខភាពរបស់គ្រូ និងសិស្សានុសិស្សពង្រឹងសុវត្ថិភាពចំណីអាហា ផ្តល់អាហារូបត្ថម្ភ និងអាហារនៅតាមសាលារៀនសម្រាប់សិស្សដោយប្រើប្រាស់កសិផលសហគមន៍ ។
(ទី៦). តម្រង់ទិសការអប់រំសិស្ស និងយុវជនឱ្យ ក្លាយជាពលរដ្ឋល្អតាមរយៈការលើកកម្ពស់ចំណេះដឹង បំណិនជីវិត បណ្ដុះយុវជនឱ្យក្លាយជាពលរដ្ឋល្អ មានបុគ្គលិកលក្ខណៈពេញលេញទាំងរាងកាយ បញ្ញា ស្មារតី។
(ទី៧). បង្កើតមជ្ឈមណ្ឌលឧត្តមភាពគ្រឹះស្ថានឧត្តមសិក្សា ដោយបន្តការធ្វើកំណែទម្រង់គ្រឹះស្ថានឧត្តមសិក្សា ពង្រឹងអភិបាលកិច្ចផ្តល់ឋានៈ និងលើកកម្ពស់គុណវុឌ្ឍសាស្ដ្រាចារ្យ ។
(ទី៨). ពង្រឹងប្រព័ន្ធអប់រំ និងអភិវឌ្ឍសមត្ថភាព ដោយពង្រឹងការគ្រប់គ្រងផ្តោតលើលទ្ធផល និងការអភិវឌ្ឍធនធានមនុស្ស ដើម្បីឆ្លើយតបនឹងនិន្នាការថ្មីៗក្នុងវិស័យអប់រំ។

តាងនាមក្រសួងអប់រំ យុវជន និងកីឡា ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានថ្លែងអំណរគុណចំពោះព្រះអង្គម្ចាស់ក្សត្រិយ៍មហាចក្រីសិរិនថន ដែលបានផ្តល់អាហារូបករណ៍ដល់និស្សិតកម្ពុជា ឱ្យទៅបន្តការសិក្សានៅមហាវិទ្យាល័យអប់រំ នៃសាកលវិទ្យាល័យជុឡាឡុងកន ហើយបានយកចំណេះជំនាញត្រឡប់បម្រើមាតុប្រទេស និងរួមចំណែកអភិវឌ្ឍសេដ្ឋកិច្ចសង្គមជាតិកម្ពុជាឱ្យរីកចម្រើនប្រកបដោយចីរភាព៕