ឯកឧត្តមរដ្ឋមន្ត្រី ថោ ជេដ្ឋា ផ្ញើសារលិខិតគោរពជូនពរ សម្តេចធិការធិបតី ឃួន សុដារី ក្នុងឱកាសទិវាអន្តរជាតិនារី ៨ មីនា ខួបលើកទី១១៣ ឆ្នាំ២០២៤
ភ្នំពេញ៖ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានផ្ញើសារលិខិតគោរពជូនពរ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៃព្រះរាជាណាចក្រកម្ពុជា ក្នុងឱកាសទិវាអន្តរជាតិនារី ៨ មីនា ខួបលើកទី១១៣ ឆ្នាំ២០២៤ ក្រោមមូលបទ “ស្ត្រី និងក្មេងស្រី ក្នុងបរិវត្តកម្មឌីជីថល”។
ក្នុងឱកាសប្រកបដោយសេចក្តីសោមនស្សរីករាយ នៃទិវាអន្តរជាតិនារី ៨ មីនា ខួបលើកទី១១៣ ឆ្នាំ២០២៤ ក្រោម មូលបទ “ស្ត្រី និងក្មេងស្រី ក្នុងបរិវត្តកម្មឌីជីថល” យើងខ្ញុំទាំងអស់គ្នា ជាថ្នាក់ដឹកនាំ មន្ត្រីរាជការនៃក្រសួងធនធានទឹក និងឧតុនិយម គណៈកម្មាធិការជាតិទន្លេមេគង្គកម្ពុជា និងអាជ្ញាធរទន្លេសាប សូមសម្តែងនូវមនោសញ្ចេតនាគោរពស្រឡាញ់ ដ៏ស្មោះស្ម័គ្រ និងសូមគោរពជូននូវសព្ទសាធុការពរជ័យបវរមហាប្រសើរថ្លៃថ្លាជូនចំពោះ សម្តេចមហារដ្ឋសភាធិការធិបតី សូមមានសុខភាពល្អបរិបូរណ៍ កម្លាំងពលំមាំមួន បញ្ញាញាណភ្លឺថ្លា មានជន្មាយុយឺនយូរ បន្តសម្រេចបានជោគជ័យ ថ្មីៗបន្ថែមទៀតលើគ្រប់ភារកិច្ចការងារ និងការបំពេញបេសកកម្មជាប្រវត្តិសាស្ត្រ សម្រាប់ឧត្តមប្រយោជន៍ជាតិ មាតុភូមិ។
យើងខ្ញុំទាំងអស់គ្នា សូមគោរពកោតសរសើរដោយស្មោះនូវគំរូវីរភាពដ៏ឧត្តុង្គឧត្ដម ប្រកបដោយកតញ្ញូតាធម៌យ៉ាង ជ្រាលជ្រៅបំផុត ចំពោះ សម្តេចមហារដ្ឋសភាធិការធិបតី គឺជាឥស្សរជនជាន់ខ្ពស់ដ៏ឆ្នើម មានឧត្តមគតិខ្ពស់ បទពិសោធន៍ជ្រៅជ្រះ ក្នុងការដឹកនាំស្ថាប័ននីតិប្បញ្ញត្តិបានកាន់តែរឹងមាំ ដែលធានាបាននូវវឌ្ឍនភាព ស្ថេរភាព សន្តិភាព ជាពិសេសការខិតខំប្រឹងប្រែងយកអស់កម្លាំងកាយ-ចិត្ត ក្នុងការដឹកនាំបំផុសចលនាស្ត្រី និងការលើកកម្ពស់គុណតម្លៃនៃ ការចូលរួមរបស់ប្រជាជនគ្រប់មជ្ឈដ្ឋាន នៅក្នុងគ្រប់សកម្មភាពការងារ ទាំងផ្នែកពុទ្ធចក្រ និងអាណាចក្រទទួលបាន ជោគជ័យដ៏ត្រចះត្រចង់ គួរជាទីមោទនៈ។
ក្នុងឱកាសដ៏ប្រពៃថ្លៃថ្លានេះ យើងខ្ញុំទាំងអស់គ្នា សូមឧទ្ទិសបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិក្នុងលោក ទេវតាថែរក្សាទឹកដីនៃព្រះរាជាណាចក្រកម្ពុជា សូមជួយប្រោះព្រំគ្រងរក្សា សម្តេចមហារដ្ឋសភាធិការធិបតី ព្រមទាំងក្រុមគ្រួសារជាទីស្រឡាញ់ សូមបានសមប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
សូម សម្តេចមហារដ្ឋសភាធិការធិបតី មេត្តាទទួលនូវការគោរពស្រឡាញ់ដ៏ជ្រាលជ្រៅអំពីយើងខ្ញុំ ៕
