ភ្នំពេញ៖ ឯកឧត្តមបណ្ឌិត ហ៊ុន ម៉ាណែត បានបង្ហាញពីអត្ថន័យនៃគោរមងារ «កិត្តិទេសាភិបាលបណ្ឌិត» ដែលព្រះមហាក្សត្រប្រទានដល់ឯកឧត្តម គឺជារួមមានន័យថា អ្នកមានចំណេះដឹងជ្រៅជ្រះ និងឈ្លាសវៃ ដែលដឹកនាំគ្រប់គ្រងរក្សាប្រទេស ឱ្យមានភាពថ្កុំថ្កេីងរុងរឿង។
ឯកឧត្តមបណ្ឌិត ហ៊ុន ម៉ាណែត បានបញ្ជាក់ថា គោរមងារនេះ មានការផ្គុំឡើងដោយពាក្យចំនួន៣ ក្នុងនោះរួមមាន៖
កិត្តិ ៖ មានន័យថា សេចក្ដី សរសើរ, សេចក្ដី ថ្កុំថ្កើង, រុងរឿង, ល្បីល្បាញ ។
ទេសាភិបាល ៖ មានន័យថា មន្ត្រី ជាអ្នក គ្រប់គ្រងរក្សា ប្រទេស។
បណ្ឌិត» ៖ មានន័យថា អ្នកមានចំណេះដឹងជ្រៅជ្រះ និងឈ្លាវៃ។
ដូច្នេះគោរមងារ «កិត្តិទេសាភិបាលបណ្ឌិត» គឺមានន័យថា អ្នកមានចំណេះដឹងជ្រៅជ្រះ និងឈ្លាសវៃ ដែលដឹកនាំគ្រប់គ្រងរក្សាប្រទេស ឱ្យមានភាពថ្កុំថ្កេីងរុងរឿង។
សូមរំលឹកថា នៅថ្ងៃទី៨ ខែសីហា ឆ្នាំ២០២៣នេះ ព្រះមហាក្សត្រនៃកម្ពុជា បានត្រាស់បង្គាប់ផ្តល់គោរមងារ កិត្តិយសពិសេសដ៏ឧត្តុង្គឧត្តមបំផុត នៃរាជបណ្ឌិត្យសភាកម្ពុជា ជា «កិត្តិទេសាភិបាលបណ្ឌិត» តែមួយរូបគត់ជូន ឯកឧត្តមបណ្ឌិត ហ៊ុន ម៉ាណែត៕
