សូមបង្កើនការប្រុងប្រយ័ត្ន! ភ្លៀងធ្លាក់លាយឡំខ្យល់កន្ត្រាក់បណ្តាលឲ្យខូចខាតផ្ទះពលរដ្ឋចំនួន៥ខ្នងនៅស្រុកបាណន់

ភ្នំពេញ៖ កាលពីទី២៥ ខែមីនា ឆ្នាំ២០២៣ វេលាម៉ោង១៦និង៣០នាទី នៅចំណុចប៉ៃឡាំក្រុមទី៧ ភូមិបុះខ្នុរ ឃុំចែងមានជ័យ ស្រុកបាណន់ ខេត្តបាត់ដំបង មានករណីភ្លៀងធ្លាក់ខ្យល់កន្ត្រាក់ បណ្តាលឲ្យខូចខាតផ្ទះប្រជាពលរដ្ឋចំនួន ០៥ខ្នងផ្ទះ បណ្តាលអោយរបើកដំបូល ០៥ខ្នងផ្ទះ។

លោកវរសេនីយ៍ទោ សំ វីរៈ អធិការនគរបាលស្រុកបាណន់ បានរាយការណ៍អោយដឹងថា ប្រជាពលរដ្ឋរងគ្រោះដោយគ្រោះថ្នាក់ធម្មជាតិនេះមានឈ្មោះដូចខាងក្រោម៖

១.ឈ្មោះទន់ សារ៉េន ភេទប្រុសអាយុ ៥២ឆ្នាំ ទំហំ ៧ម៉ែត្រ × ៧.៥ម៉ែត្រ របើកដំបូលស័ង្កសីប្រវែង ៣ម៉ែត្រចំនួន ២២សន្លឹក ប្រវែង ២ម៉ែត្រចំនួន ១០សន្លឹក របើកផ្លានឈើប្រវែង ៣ម៉ែត្រចំនួន ៦ដើម។

២.ឈ្មោះ ជិន ធី ភេទស្រីអាយុ ៥៩ឆ្នាំ ទំហំផ្ទះ ៦ម៉ែត្រ × ៧ម៉ែត្រ របើកដំបូលស័ង្កសីប្រវែង ៣ម៉ែត្រចំនួន ១០សន្លឹក របើកឈើផ្លានប្រវែង ៦ម៉ែត្រចំនួន ៦ដើម។

៣.ឈ្មោះ ធឿន ចាន់ថន ភេទប្រុស អាយុ ៣៣ឆ្នាំ ទំហំផ្ទះ ៦ម៉ែត្រ × ៨ម៉ែត្រ បើកដំបូលស័ង្កសីប្រវែង ២ម៉ែត្រកន្លះចំនួន ២២សន្លឹក របើកឈើផ្លានប្រវែង ៦ម ចំនួន ១០ដើម ។

៤.ឈ្មោះ ពិន ជា ភេទប្រុស អាយុ ៥៣ឆ្នាំ ទំហំផ្ទះប្រវែង ៥ម៉ែត្រ × ៦ម៉ែត្រ របើកដំបូលស័ង្កសីប្រវែង ៤ម៉ែត្រចំនួន ៤សន្លឹក។
៥.ឈ្មោះ រ៉េន ស្រីរ័ត្ន ភេទស្រី អាយុ ២៧ឆ្នាំ ទំហំផ្ទះ ៤ម៉ែត្រ × ៥ម៉ែត្រ របើកដំបូលសង្ក័សីប្រវែង ៣ម៉ែត្រចំនួន ៦សន្លឹក។

លោកអធិការបន្តថា ខ្យល់កន្រ្ទាក់នាពេលនេះមិនមានប្រជាពលរដ្ឋណាមួយរងគ្រោះថ្នាក់អ្វីឡើយ ហើយបច្ចុប្បន្ន កម្លាំងនគរបាលស្រុកបាណន់បានចុះធ្វើការត្រួតពិនិត្យ និងរៀបចំសណ្តាប់ធ្នាប់ជូនម្ចាស់ផ្ទះឡើងវិញ៕