អគារពេទ្យ របស់តំបន់ប្រតិបត្តិការសឹករងឧត្តរមានជ័យ ជាអំណោយដ៏ថ្លៃថ្លារបស់ឧត្តមសេនីយ៍ឯក ហ៊ុន ម៉ាណែត និងលោកជំទាវត្រូវបានបញ្ចុះបឋមសិលាសាងសង់
ភ្នំពេញ៖ នាថ្ងៃទី១៦ ខែមករា ឆ្នាំ២០២៣ នៅទីបញ្ជាការ តំបន់ប្រតិបត្តិការសឹករងឧត្តរមានជ័យ បានរៀបចំពិធីបញ្ចុះបឋមសិលាសាងសង់អគារពេទ្យ ចំនួន ០១ ខ្នងដែលជាអំណោយដ៏ថ្លៃថ្លារបស់ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក និងលោកជំទាវ ពេជ ចន្ទមុន្នី ដែលពិធីនេះប្រព្រឹត្តទៅក្រោមអធិបតីភាព ឧត្តមសេនីយ៍ទោ តន់ ញាន មេបញ្ជាការ តំបន់ប្រតិបត្តិការសឹករងឧត្តរមានជ័យ។
ឧត្តមសេនីយ៍ទោ មេបញ្ជាការ ព្រមទាំងនាយទាហាន នាយទាហានរង និងពលទាហានទូទាំងតំបន់ប្រតិបត្តិការសឹករងឧត្តរមានជ័យ បានគោរពថ្លែងអំណរគុណយ៉ាងជ្រាលជ្រៅបំផុតចំពោះ ឯកឧត្តម ឧត្តមសេនីយ៍ឯក ហ៊ុន ម៉ាណែត និងលោកជំទាវ ពេជ ចន្ទមុន្នី ដែលតែងតែយកចិត្តទុកដាក់ឧបត្ថម្ភ គាំទ្រគ្រប់បែបយ៉ាងទាំងស្មារតី សម្ភារ: និងថវិកា ក្នុងការងារកសាងអង្គភាពរឹងមាំ មានជាអាទិ៍ ការសាងសង់អគារទីបញ្ជាការ ឃ្លាំងដាក់សម្ភារៈបច្ចេកទេសយោធា ការឧបត្ថម្ភគោយន្ដសម្រាប់ដឹកជញ្ជូននិងបង្ករបង្កើនផល ព្រមទាំងសមិទ្ធផលជាច្រើនទៀត ពិសេសលើវិស័យមនុស្សធម៌មានជាស្បៀងអាហារ គ្រឿងឧបភោគបរិភោគ សម្រាប់ជួយដល់អតីតយុទ្ធជន និងប្រជាពលរដ្ឋដែលមានជីវភាពខ្វះខាតនៅក្នុងខេត្តឧត្តរមានជ័យ ៕
