អាហ្វ្រិកកណ្តាល៖ លោកវរសេនីយ៍ទោ ឡាំ ទេព មេបញ្ជាការរងកងអនុសេនាធំសំណង់វិស្វកម្មលេខ៤៣២ ក្នុងបេសកកម្មអង្គការសហប្រជាជាតិនៅសាធារណរដ្ឋអាហ្វ្រិកកណ្តាល បានឱ្យដឹងថា នៅថ្ងៃទី៦ ខែធ្នូ ឆ្នាំ២០២២ លោកវរសេនីយ៍ឯក ស៊ឹម សំអៀត មេបញ្ជាការកងអនុសេនាធំវិស្វកម្មសំណង់លេខ៤៣២ បានដឹកនាំក្រុមការងារចំនួន១០នាក់ នាំយកអំណោយ របស់ឯកឧត្តម នាយឧត្តមសេនីយ៍ សែម សុវណ្ណនី អនុប្រធានគណៈកម្មាធិការជាតិ និងជាអគ្គនាយកមជ្ឈមណ្ឌលជាតិរក្សាសន្តិភាព អង្ករចំនួន៣បាវ និងសម្ភារសិក្សា ដូចជា កាស្យូចំនួន៣គ្រឿង, សៀវភៅសរសេរតូច ចំនួន៣១៥ក្បាល, សៀវភៅធំចំនួន ៥ក្បាល, ហ្វឺតហាយឡាយ ចំនួន ២ប្រអប់, ខ្មៅដៃ ៤ប្រអប់ (១០០ដើម), ប្រដាប់ខួងខ្មៅដៃ ចំនួន ២ប្រអប់ (ចំនួន១០០), ទឹកលុប ចំនួន ១ប្រអប់, ប៊ីច ចំនួន ៤ប្រអប់ (ខៀវ ២ប្រអប់ ក្រហម ២ប្រអប់), ឧបករណ៍ចោះក្រដាស់ ចំនួន១, ក្រដាស់ Note ចំនួន ៥ដុំ, ប្រដាប់កឹបតូចចំនួន Nº 10, គ្រាប់កឹប ចំនួន ១ប្រអប់, ស្គត់ក្រាស់មុខ២ ចំនួន ១សុង, ស្គត់ស្តើងមុខ២ ចំនួន ១សុង, ឃ្នាប ចំនួន ១សុង, សឺមីក្រដាស ចំនួន ៦ដុំ, សឺមីពណ៌លឿង ចំនួន ១ដុំ, បន្ទាត់វែងប្រវែង ៥០០សង់ទីម៉ែត្រ ចំនូន ៤, កាវស្អិត ចំនួន ៤ដប ប្រគល់ជូនលោកនាយកសាលាដើម្បីចែកជូនសិស្សានុសិស្សនៅសាលា Dounia(Dounia School) នៅភូមិ Gbadou ក្នុងទីក្រុងប្រៀ(Bria .PK3)។ ដើម្បីជួយសម្រួលដល់ការលំបាក របស់លោកគ្រូ អ្នកគ្រូ និងសិស្សានុសិស្សនៅទីនោះ។ អំណោយមនុស្សធម៌របស់កងកម្លាំងកម្ពុជា ក្នុងការការងារទំនាក់ទំនងរវាងកម្លាំងយោធា និង ប្រជាជនស៊ីវិល(CIMIC: Civil Military Coordination) ។
ក្នុងថ្ងៃដដែលកងអនុសេនាតូចកម្ទេចគ្រឿងផ្ទុះ កម្លាំងចំនួន១០នាក់ ដឹកនាំដោយលោក វរសេនីយ៍ទោ ណុង ងឿយ មេបញ្ជាការរង កងអនុសេនាធំវិស្វកម្មសំណង់លេខ៤៣២ បានធ្វើការកម្ទេចគ្រាប់ ចំនួន២គ្រាប់ នៅភូមី Douloungoa (PK8) គ្រាប់ទាំងនេះបានដោះបន្សាបមកពីភូមិ Gobolo ស្ថិតនៅក្នុងទីក្រុងBria ហើយបានធ្វើការកម្ទេចដោយជោគជ័យ១០០% ។
បញ្ជប់កម្មវិធី លោកមេបញ្ជាការ កងអនុសេនាធំវិស្វកម្មសំណង់លេខ ៤៣២ បានរៀបចំកម្មវិធីហូបបាយសាមគ្គីថ្ងៃត្រង់(Solidarity Lunch Reception)ដោយមានការចូលរួមពីមេបញ្ជាការតំបន់(Sector Commander)និងអង្គភាពMinuscaចំណុះ ប្រចាំទីក្រុងBria៕
