ក្រសួងផែនការ បើកយុទ្ធនាការផ្តល់ និងប្តូរបណ្ណសមធម៌ជូនគ្រួសារ ស្ម័គ្រចិត្តផ្លាស់ប្តូរលំនៅដ្ឋាន ទៅរស់នៅភូមិធម្មជាតិរុនតានឯក និងឃុំពាក់ស្នែងលើកទី២

ភ្នំពេញ៖ ក្រសួងផែនការចាប់ផ្តើមបើកយុទ្ធនាការ ផ្តល់និងប្តូរបណ្ណសមធម៌ជូនគ្រួសារដែលស្ម័គ្រចិត្តផ្លាស់ប្តូរលំនៅដ្ឋានទៅរស់នៅភូមិធម្មជាតិរុនតានឯក និងឃុំពាក់ស្នែងលើកទី២ នៅសួនច្បារមុខអង្គរ ចាប់ផ្តើមពីថ្ងៃទី ១៧ ខែតុលា ឆ្នាំ២០២២ តទៅ។

ប្រជាពលរដ្ឋរស់នៅតំបន់រមណីយដ្ឋានអង្គរ ដែលបានស្ម័គ្រចិត្តទៅរស់នៅភូមិធម្មជាតិរុនតាឯក នឹងត្រូវទទួលបានបណ្ណសមធម៌ ស្របតាមគោលនយោបាយរបស់រាជរដ្ឋាភិបាល ហើយការរៀបចំជាប្រព័ន្ធនេះ នឹងមិនធ្វើឱ្យប្រជាពលរដ្ឋរង់ចាំយូរនោះទេ។

យោងតាមអនុសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងឱកាសសំណេះសំណាលជាមួយមួយប្រជាជននៅតំបន់អង្គរដែលស្ម័គ្រចិត្តទៅរស់នៅភូមិធម្មជាតិរុនតាឯកចំនួន២លើក។ ក្រសួងផែនការនឹងបើកយុទ្ធនាការកំណត់ និងផ្ដល់បណ្ណសមធម៌លើកទី២ នៅសួនច្បារមុខអង្គរ ចាប់ផ្តើមពីថ្ងៃទី ១៧ ខែតុលា ឆ្នាំ២០២២ តទៅ ជូនគ្រួសារដែលបន្តស្ម័គ្រចិត្តប្តូរទៅរស់នៅភូមិធម្មជាតិរុនតាឯក និងឃុំពាក់ស្នែង ចាប់ពីថ្ងៃជូនដំណឹងនេះតទៅ៕