ក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ចត្រូវបានបង្កើតឡើងតាំងពីសម័យសង្គមរាស្រ្តនិយម

ភ្នំពេញ៖ ឯកឧត្តម ណុប ចាន់ណារិន្ទ រដ្ឋលេខាធិការក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច បានលើកឡើងថាក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ចបានបង្កើតឡើងតាំងពីសម័យសង្គមរាស្រ្តនិយមមកម្លេះគឺនៅឆ្នាំ១៩៥៣ក្រោយពីទាមទារឯករាជ្យពីបារាំងបានហើយក្រោមព្រះរាជកិច្ចដឹកនាំរបស់ព្រះបាទសម្ដេចនរោត្ដមសីហនុ ព្រះបរមរតនកោដ្ឋនៃយើងដែលព្រះអង្គកាលនោះគង់ជាព្រះប្រមុខរដ្ឋ។

ថ្លែងនៅក្នុងសន្និសីទសារព័ត៌មានស្ដីអំពី “សមិទ្ធផលសម្រេចបានរយៈពេល៥ឆ្នាំកន្លងមករបស់ក្រសួងទំនាក់ទំនងរដ្ឋសភា ព្រឹទ្ធសភា និងអធិការកិច្ច” នាថ្ងៃទី៨ ខែកញ្ញា ឆ្នាំ២០២២ ឯកឧត្តម ណុប ចាន់ណារិន្ទបានលើកឡើងថា
ឈ្មោះនៅក្នុងដំណាក់កាលនោះគឺផ្លាស់ប្ដូរពីឈ្មោះមួយទៅឈ្មោះមួយក៏ប៉ុន្តែទិសដៅតែមួយដូចគ្នាទេគឺតួនាទីភារកិច្ច ពិនិត្យ បោសសម្អាតអំពើពុករលួយ ឬអធិការកិច្ចលើគ្រប់វិស័យ។

ឯកឧត្តមបានបន្តថា ជាបន្តបន្ទាប់យើងឃើញថាក្រោយពីរដ្ឋប្រហារនៅថ្ងៃ១៨ មីនា ឆ្នាំ១៩៧០ ដោយរបប លន់ នល់ មកជំនួសហើយក្រសួងនេះក៏មានតួនាទីដែលនៅក្នុងរបបនោះហើយក៏បានដាក់ឈ្មោះមកជាក្រសួងយុត្តិធម៌និងទំនាក់ទំនងជាមួយរដ្ឋសភានិងនៅឆ្នាំ១៩៧៥មានឈ្មោះបន្ថែមមួយទៀតគឺក្រសួងអប់រំនិងទំនាក់ទំនងជាមួយរដ្ឋសភា។

ឯកឧត្តមបន្ថែមថា ដោយលែកជាអកុសលដោយសារប្រទេសជាតិរបស់យើងបានធ្លាក់ចូលទៅក្នុងរបបប្រល័យពូជសាសន៍នៅចន្លោះរយះពេល៣ឆ្នាំ៨ខែនិង២០ថ្ងៃគឺថ្ងៃ១៧ខែមេសាឆ្នាំ១៩៧៥ដល់ឆ្នាំ១៩៧៩ក្រោមការគ្រប់គ្រងរបស់របប ប៉ុល ពត នេះគឺមិនមានស្ថាប័នឬវិស័យនេះនៅក្នុងក្របខ័ណ្ឌរដ្ឋាភិបាលនោះទេ។ដោយលែកក្រោយថ្ងៃរំដោះថ្ងៃ៧មករាឆ្នាំ១៩៧៩មកអ្វីៗត្រូវបានស្ដារឡើងវិញរាបទាំងសុខភាពរបស់ប្រជាពលរដ្ឋ រាប់ទាំងធនធានមនុស្ស និងហេដ្ឋារចនាសម្ព័ន្ធសង្គមដែលនៅសេសសល់ក្រោមគំនរផេះផង់និងការបំផ្លិចបំផ្លាញពីរបបកម្ពុជាប្រជាធិបតេយ្យប្រល័យសាសន៍ ប៉ុល ពត៕