ភ្នំពេញ៖ ឯកឧត្តម កែវ ចាន់ណា អគ្គនាយកព័ត៌មាន និងទំនាក់ទំនងសាធារណៈ នាថ្ងៃទី៥ ខែកញ្ញា ឆ្នាំ២០២២ បានអញ្ជើញចូលរួម វេទិកាស្តីពី «រដ្ឋាភិបាលឌីជីថលកម្ពុជា-កូរ៉េ» រៀបចំដោយក្រសួងប្រៃសណីយ៍ និងទូរគមនាគមន៍ ដោយសហការជាមួយក្រសួងមហាផ្ទៃ និងសន្តិសុខនៃសាធារណៈរដ្ឋកូរ៉េ ដើម្បីពិភាក្សា និងចែករំលែកបទពិសោធន៍លើការអភិវឌ្ឍរដ្ឋាភិបាលឌិជីថល។
ក្នុងវេទិកានេះ មានវាគ្មិនជំនាញ ចំនួន៤រូប បានធ្វើ បទបង្ហាញ ស្តីពី វិបផតថលជាតិ គេហទំព័រស្វែងរកការងារ រដ្ឋាភិបាលឌីជីថលថ្នាក់ក្រោមជាតិ និងអត្តសញ្ញាណឌីជីថល
ក្រោមអធិបតីភាព ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ នៅសណ្ឋាគារហៃយ៉ាត់ រីជីនស៊ី រាជធានីភ្នំពេញ ៕
