យោធាចារ្យ នាយ-ពលទាហាន ១១២នាក់ នៃសាលាពលទាហានទី៥ ចូលរួមស្តាប់ការផ្សព្វផ្សាយសភាពការណ៍ថ្មីៗ និងការងារអប់រំចិត្តសាស្ត្
ភ្នំពេញ៖ យោធាចារ្យ នាយទាហាន នាយទាហានរង និងពលទាហាន សាលាពលទាហានទី៥ យោធភូមិភាគទី៥ កងទ័ពជើងគោកចំនួន ១១២នាក់ នៅព្រឹកថ្ងៃទី៣០ ខែសីហា ឆ្នាំ២០២២ បានចូលរួមស្តាប់ការផ្សព្វផ្សាយសភាពការណ៍ថ្មីៗ ការងារអប់រំចិត្តសាស្ត្រ និងភារកិច្ចចំពោះមុខរបស់កងយោធពលភូមិន្ទ ឧទ្ទេសនាមដោយឧត្ដមសេនីយ៍ត្រី សួន សុន នាយកសាលាពលទាហានទី៥ យោធភូមិភាគទី៥ កងទ័ពជើងគោក ។
ឧត្តមសេនីយ៏ត្រី សួន សុន បានមានប្រសាសន៍ថា គោលបំណងនៃការផ្សព្វផ្សាយនាពេលនេះ ដើម្បីឲ្យ នាយទាហាន នាយទាហានរង និងពលហានយើងបានយល់ជ្រួតជ្រាបពីសភាពការណ៍វិវឌ្ឍន៍ថ្មីៗនៅលើសកលលោក សភាពការណ៍តំបន់ ពិសេសការប្រកាន់ភ្ជាប់នូវបទវិន័យ លក្ខនន្តិកៈ និងបទបញ្ញត្តិទូទៅរបស់កងយោធពលខេមរភូមិន្ទ ការកសាងជីវភាពចិត្តសាស្ត្រផ្ទៃក្នុងរបស់កងយោធពលខេមរភូមិន្ទ ការបន្តអនុវត្តន៍វិធានការនានារបស់ក្រសួងសុខាភិបាល ៣កុំ ៣ការពារ រួមទាំងទប់ស្កាត់ការផ្សព្វផ្សាយព័ត៌មានក្លែងក្លាយក្នុងគោលបំណងបង្កើតភាពចលាចល បង្កអស្តិសុខដល់ប្រជាពលរដ្ឋ និងសង្គមជាតិទាំងមូល មិនត្រូវធ្វើអ្វីឱ្យប៉ះពាល់ដល់កិត្តិយស និងសេចក្តីថ្លៃថ្នូររបស់កងយោធពលខេមរភូមិន្ទឡើយ ។
ឧត្ដមសេនីយ៍ត្រី សួន សុន បានមានប្រសាសន៍ថា អនុវត្តដោយភាពជឿជាក់ និងស្មោះត្រង់គោរពនូវគោលគំនិតរបស់ឯកឧត្តមមេបញ្ជាការ កងទ័ពជើងគោក និងយោធភូមិភាគទី៥ សាលាពលទាហានទី៥ បានសហការអនុវត្តជាប់ជាប្រចាំលើការងារអប់រំចិត្តសាស្ត្រ សម្តៅជ្រោងទង់ស្នេហាជាតិ ការពារសន្តិភាព ការពារអធិបតេយ្យភាព មានជំនឿជឿជាក់ ដោយឥតងាករ៉េ លើការប្រមុខថ្នាក់ដឹកនាំប្រកបដោយគតិបណ្ឌិតរបស់សម្តេចអគ្គសេនាមហាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងបានការយកចិត្តចង្អុលបង្ហាញរបស់ថ្នាក់ដឹកនាំគ្រប់លំដាប់ថ្នាក់ ដើម្បីបង្កលក្ខណៈដល់នាយ-ពលទាហាន និងបណ្តាជំនាញអនុវត្តភារកិច្ចរបស់ខ្លួន ទទួលបានលទ្ធផលល្អប្រសើរ ។
ឧត្ដមសេនីយ៍ត្រី សួន សុន បានបន្ថែមទៀតថា កម្ពុជាក្រោមការដឹកនាំរបស់សម្តេចតេជោ នាយករដ្ឋមន្ត្រី នៃព្រះរាជាណាចក្រកម្ពុជា បានទប់ស្កាត់ការរីករាលដាលជំងឺកូវីដ-១៩ បានជោគជ័យ ។ ទាំងនេះឆ្លុះបញ្ចាំងឲ្យឃើញថា ប្រមុខរាជរដ្ឋាភិបាល សម្តេចតេជោ មានការតាំងចិត្តខ្ពស់ និងចក្ខុវិស័យច្បាស់លាស់ ក្នុងការធានានូវសុខសុវត្ថិភាព សុខមាលភាពជូនប្រជាពលរដ្ឋរស់នៅក្នុងសុខដុម្យរមនា និងការអភិវឌ្ឍន៍ ព្រមទាំង បានធ្វើឲ្យប្រទេសកម្ពុជាបច្ចុប្បន្នបង្ហាញភាពស្មើរមុខស្មើរមាត់លើឆាកអន្តរជាតិ ទាំងវិស័យសេដ្ឋកិច្ច និងទំនាក់ទំនងការទូត ។
ឧត្ដមសេនីយ៍ត្រី សួន សុន បានផ្តាំផ្ញើដល់ យោធាចារ្យ នាយទាហាន នាយទាហានរង និងពលទាហាន សាលាពលទាហានទី៥ ត្រូវអនុវត្តនិងគោរពបទបញ្ជាដាច់ខាតរបស់ថ្នាក់លើ ចូលរួមជាមួយរាជរដ្ឋាភិបាលក្នុងការកសាងអភិវឌ្ឍន៍ប្រទេសជាតិ តាមរយៈការជំរុញយកចិត្តទុកដាក់អនុវត្តតួនាទី ភារកិច្ច ត្រូវការពារដាច់ខាតច្បាប់រដ្ឋធម្មនុញ្ញ ការពារជាតិ សាសនា ព្រះមហាក្សត្រ និងប្តេជ្ញាការពារសន្តិភាពឲ្យបានដាច់ខាត និងបន្តគាំទ្រសម្តេចតេជោ ហ៊ុន សែន ជាបេក្ខភាពនាយករដ្ឋមន្ត្រី សម្រាប់នីតិកាលទី៧ នៃរដ្ឋសភា និងគាំទ្រឯកឧត្តមបណ្ឌិត ហ៊ុន ម៉ាណែត ជាបេក្ខភាពនាយករដ្ឋមន្ត្រីសម្រាប់ពេលអនាគត ។ រីឯចំពោះយោធិនទាំងអស់នៃសាលាពលទាហានទី៥ ប្រសិនបើមានករណីរកឃើញថាមានផ្ទុកសារធាតុញៀនក្នុងជួរកងទ័ព ត្រូវតែកាត់ចេញពីជួរកងទ័ពជាដាច់ខាត ៕
