សម្ដេចតេជោ ណែនាំឲ្យរដ្ឋមន្ត្រីកសិកម្ម រកប្រភពទឹកដើម្បីស្រោចកូនឈើដាំឡើងវិញ នៅភ្នំតាម៉ៅ នារដូវប្រាំង
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃ ព្រះរាជាណាចក្រកម្ពុជា បានណែនាំឲ្យឯកឧត្ដម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ស្វែងរកប្រភពទឹក ដើម្បីស្រោចស្រប់កូនឈើដាំឡើងវិញ នៅតំបន់ភ្នំតាម៉ៅ នារដូវប្រាំង ។
ក្នុងឱកាសអញ្ជើញ ចែកសញ្ញាបត្រជូននិស្សិត សាកលវិទ្យាល័យពុទ្ធិសាស្ត្រសរុប ៦២៣នាក់ នៅព្រឹកថ្ងៃទី១៧ ខែសីហា ឆ្នាំ២០២២ នេះ សម្តេចតេជោ ហ៊ុន សែន បានមានប្រសាសន៍ថា ការដាំដើមឈើឡើងវិញនៅភ្នំតាម៉ៅ មិនមែនដាំគ្រាន់តែបង្ហោះហ្វេសប៊ុកទេ គឺត្រូវដាំឱ្យវាដុះ និងមានក្បួនខ្នាត។
សម្តេចតេជោ បានបញ្ជាក់ថា ទាំងសួនសត្វ និងព្រៃនៅតំបន់ភ្នំតាម៉ៅទាំងមូល ត្រូវកំណត់ជាតំបន់អភិរក្ស ស្ថិតក្រោមការគ្រប់គ្រង របស់ក្រសួងកសិកម្ម ៕
