ក្រុមក្មេងទំនើងបង្ហោះម៉ូតូ ៤នាក់ ត្រូវនគរបាលស្រុកលើកដែកឃាត់ខ្លួនយកមកដុះក្អែល

ភ្នំពេញ៖ សមត្ថកិច្ចស្រុកលើកដែកបានធ្វើការឃាត់ខ្លួន សួរនាំក្មេងទំនើង៤នាក់ ករណីបង្ហោះម៉ូតូយកមកដុះក្អែល។

ដំបូងមានប្រជាពលរដ្ឋល្អបានរាយការណ៍មកថាមានក្មេងៗ មួយក្រុមកំពុងបង្ហោះម៉ូតូតាមផ្លូវជាតិលេខ១៤ភ្លាមៗនោះកម្លាំងប៉ុស្តិ៍ពាមរាំងក៏បានចេញ អន្តរាគមន៍ឃើញក្មេងទំនើងពីរម៉ូតូកំពុងបង្ហោះម៉ូតូហើយបើកបរយ៉ាងលឿនចូលទៅក្នុង វិទ្យាល័យប៊ុនរ៉ានីហ៊ុនសែនពាមរាំងរួចកម្លាំងយើងក៏បានឃាត់សួរនាំរួចនាំខ្លួនជនសង្ស័យ ចំនួន ៤នាក់ រួមទាំងម៉ូតូ២គ្រឿង យកមកកាន់ប៉ុស្តិ៍រដ្ឋបាលពាមរាំងធ្វើការសួរនាំ ជនសង្ស័យក៏បានឆ្លើយសារភាពថា ខ្លួន ពិតជាបានបង្ហោះម៉ូតូ ពិតប្រាកដមែន រួចក៏បានរាយការណ៍ មកផ្នែកជំនាញ និងបានបញ្ជូនមកកាន់អធិការដ្ឋាននគរបាលស្រុកលើកដែកដើម្បីបន្តនីតិវិធី។

ការឃាត់ខ្លួននេះបានធ្វើឡើង នៅថ្ងៃទី៩ ខែសីហា ឆ្នាំ២០២២ វេលាម៉ោង ១៥៖ ៤០នាទីរសៀល នៅចំណុចផ្លូវជាតិលេខ១៤ខាងមុខវិទ្យាល័យប៊ុនរ៉ានីហ៊ុនសែនពាមរាំង ។

សមត្ថកិច្ចបានឲ្យដឹងថា ជនសង្ស័យជាក្មេងទំនើងចំនួន៤នាក់រួមមានឈ្មោះ៖
១/-ឈ្មោះ សុខ នីម ភេទប្រុស អាយុ១៦ឆ្នាំ ជនជាតិ ខ្មែរ (មុខរបរជាងពិដាននៅភ្នំពេញ) មានទីលំនៅភូមិព្រែកតូចឃុំព្រែកដាច់ ស្រុកលើកដែកខេត្តកណ្ដាល

២/-ឈ្មោះ ភ័ក្រ សំណាង ភេទប្រុស អាយុ១៦ឆ្នាំ ជនជាតិ ខ្មែរ មុខរបរនៅផ្ទះ មានទីលំនៅភូមិព្រែកតូចឃុំព្រែកដាច់ស្រុកលើកដែកខេត្តកណ្ដាល

៣/-ឈ្មោះ ធី ចិត្រា ភេទប្រុស អាយុ១៦ឆ្នាំ ជនជាតិ ខ្មែរ មុខរបរនៅផ្ទះ មានទីលំនៅភូមិព្រែកដាច់ឃុំព្រែកដាច់ស្រុកលើកដែកខេត្តកណ្ដាល

៤/-ឈ្មោះ សុផាត់ គីមឡុង ភេទប្រុសអាយុ១៦ឆ្នាំ ជនជាតិខ្មែរមុខរបរសិស្ស មានទីលំនៅភូមិព្រែកតូចឃុំព្រែកដាច់ស្រុកលើកដែកខេត្តកណ្ដាល។ក្មេងទំនើងទាំង៤ធ្វើតេស្តរកសាធាតុញៀនក្នុងទឹកនោមលទ្ធផល:អវិជ្ជមាន(-)

វត្ថុតាងចាប់យករួមមាន៖ ម៉ូតូ២គ្រឿង ម៉ាក Dream សង់ សេរី ឆ្នាំ ២០២២ ពណ៍ ខ្មៅ(ពាក់ស្លាកលេខកណ្តាល 1AK-6358) និងម៉ាកស្គុបពី ពណ៌ស(ពាក់ស្លាក លេខភ្នំពេញ 1FY-7056 )

បច្ចុប្បន្នករណីខាងលើនេះ ផ្នែកជំនាញសុំគោលការណ៍អប់រំក្មេងទំនើង៣៦ម៉ោងនៅថ្នាក់អធិការដ្ឋាននគរបាលស្រុកលើកដែក៕