អ៊ំប្រុស សំ ចន ជាកម្មករ មានជីវភាពលំបាកមកពីខេត្តព្រៃវែង មានបញ្ហារលាកសួត ទទួលបានការព្យាបាលយ៉ាងយកចិត្តទុកដាក់ ពីក្រុមគ្រូពេទ្យ TYDA
ភ្នំពេញ៖ អ៊ំប្រុស សំ ចន ភេទប្រុស អាយុ ៦២ ឆ្នាំ ជាកម្មករ មានជីវភាពលំបាកមកពីខេត្ត ព្រៃវែង មានកូន៧នាក់ ដែលភាគច្រើនជាកម្មករ និងអ្នករើសអែតចាយ តំបន់ស្ទឹងមានជ័យ ខ្វះលទ្ធភាពក្នុងការព្យាបាល។
ក្រោមកិច្ចសហប្រតិបត្តិការ មនុស្សធម៌ព្យាបាលជំងឺ របស់សមាគមគ្រូពេទ្យស្មគ្រ័ចិត្តយុវជនសម្តេចតេជោ( TYDA) និងអង្គការមូលនិធិសប្បុរសធម៌ ឆឺជី Tzu Chi គាត់ត្រូវបានបញ្ជូនមកសម្រាកនៅមន្ទីរ ពេទ្យមិត្តភាពកម្ពុជាចិន ព្រះកុសុមៈ ផ្នែក ជំងឺសួត និងផ្លូវដង្ហើម ដើម្បីព្យាបាលបន្ត នៅបញ្ហារលាកសួត និងតាមដានដុំសាច់នៅសួត។
ក្រោយពីសម្រាកព្យាបាល និងការតាមដានយកចិត្តទុកដាក់ពី សំណាក់ក្រុមការងារគ្រូពេទ្យ TYDA ពេលនេះអ៊ំប្រុសបានធូស្រាល និងបានចេញទៅផ្ទះហើយ៕
