ប្រធានស.ស.យ.ក ខេត្តបន្ទាយមានជ័យ ប្រគេនទៀនព្រះវស្សា ទេយ្យទាន និងបច្ច័យដល់ព្រះសង្ឃ ចំនួន ៦វត្ត នៅក្នុងខេត្ត
ភ្នំពេញ៖ ឯកឧត្តម ប៉ោ វណ្ណាត ប្រធានសហភាពសហព័ន្ធយុវជនកម្ពុជា ខេត្តបន្ទាយមានជ័យ និងក្រុមការងារ នៅថ្ងៃទី៩ ខែកក្កដា ឆ្នាំ២០២២ បាននាំយកទៀនព្រះវស្សា ទេយ្យទាន និងបច្ច័យ ប្រគេនព្រះសង្ឃគង់ចាំព្រះវស្សា ចំនួន ៦វត្ត ក្នុងខេត្តបន្ទាយមានជ័យ។
វត្តទាំង៦នោះ រួមមាន ៖ ទី១. វត្តស្រះឈូកស ស្ថិតក្នុងឃុំសំបួរ ស្រុកមង្គលបូរី ទី២. វត្តសំបួរ ស្ថិតក្នុងឃុំសំបួរ ស្រុកមង្គលបូរី ទី៣. វត្តគិរីធម្មសាល ស្ថិតក្នុងសង្កាត់កំពង់ស្វាយ ក្រុងសិរីសោភ័ណ ទី៤. វត្តសុវណ្ណារាមទួលតានី ស្ថិតក្នុងឃុំណាំតៅ ស្រុកភ្នំស្រុក ទី៥. វត្តសុខសាន្តប្រសាទបន្ទាយទ័ព ស្ថិតក្នុងឃុំថ្មពួក និងទី៦. វត្តមុន្នីរុក្ខារាមត្រពាំងធ្លក ស្ថិតក្នុងឃុំបន្ទាយឆ្មារ ស្រុកថ្មពួក ។
ទៀនព្រះវស្សា ទេយ្យទាន និងបច្ច័យខ្ញុំ និងក្រុមគ្រួសារ ដែលឯកឧត្តម ប៉ោ វណ្ណាត និងក្រុមការងារ បានប្រគេនព្រះសង្ឃទាំង ៦វត្ត ក្នុងខេត្តបន្ទាយមានជ័យ នាឱកាសនោះ ក្នុង១វត្តៗ រួមមាន ៖ ទៀនព្រះវស្សា ១គូ គ្រឿងបាឡុង ១ឈុត ស្លាដក ១០ប្រអប់ អង្ករ ១០០គីឡូក្រាម ត្រីខកំប៉ុង ១កេសធំ មី ២កេសធំ ទឹកបរិសុទ្ធ ៥កេស ទឹកក្រូច ៥កេស ទឹកត្រី ៥យួរ ទឹកស៊ីអ៊ីវ ៥យួរ អំបិល ៥គីឡូក្រាម ស្ករស ៥គីឡូក្រាម ប៊ីចេង ៥កញ្ចប់ ឆៃប៉ូវ ២គីឡូក្រាម ថ្នាំចិន ១០ប្រអប់ និងបច្ច័យ ១ ០០០ ០០០(មួយលាន)រៀលផងដែរ៕
