កិច្ចប្រជុំនៅក្រសួងការបរទេស និងសហប្រតិបត្តិការអន្តរជាតិ ក្រោមអធិបតីភាពឯកឧត្តម ប្រាក់ សុខុន

ភ្នំពេញ៖ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងជាប្រធានប្រេសិតពិសេសរបស់អាស៊ាន នៅថ្ងៃទី៦ ខែកក្កដា ឆ្នាំ២០២២ បានអញ្ជើញក្នុងកិច្ចប្រជុំ ស្ដីពីលទ្ធផលនៃដំណើរទស្សនកិច្ចការងារលើកទី២របស់ប្រេសិតពិសេសនៃប្រធានអាស៊ានស្តីពីបញ្ហាមីយ៉ាម៉ា (ភូមា)។

ខ្លឹមសារសង្ខេប :

– កិច្ចសន្ទនាជាមួយបុគ្គលដឹកនាំ ស្ថាប័នពាក់ព័ន្ធ
– តួអង្គសំខាន់ៗ : ប្រធានក្រុមប្រឹក្សារដ្ឋ រដ្ឋមន្ត្រីការបរទេស រដ្ឋមន្ត្រីសុខាភិបាល ឥស្សរជនមួយចំនួនទៀត រួមទាំងអន្តរការី អង្គការប្រដាប់អាវុធចំនួន៧ និងគណបក្សនយោបាយក្រៅរដ្ឋាភិបាលចំនួន៧
– តំណាងជនជាតិការ៉ែន កាឈិន និងចលនានិស្សិតប្រជាធិបតេយ្យមិនបានចូលរួមដោយសារមូលហេតុផ្សេងៗ
– ការចូលរួមតាមដានរបស់ EU USA France
– គោលបំណងស្វែងយល់ស្ថានភាពជាក់ស្តែងនៅភូមា
– លោកស្រី អ៊ុង សានស៊ូជី ជាតួអង្គដ៏សំខាន់ម្នាក់ ប៉ុន្តែពុំអនុញ្ញាតិជួប ព្រោះកំពុងស្ថិតក្រោមនីតិវិធីតុលាការ
– គោលបំណងរបស់ប្រេសិតអាស៊ាន គឺ១. កាត់បន្ថយ និងបញ្ឈប់អំពើហឹង្សា ២. ជំនួយមនុស្សធម៌ ៣. កិច្ចសន្ទនាគ្រប់ភាគីទំនាស់
– វិនាសកម្មនានានៅប្រទេសភូមា
– សន្តិភាពត្រូវការការចូលរួម អត់ធ្មត់ និងដោយស្មោះត្រង់
– ការព្រួយបារម្ភនៃហឹង្សាលើជនសុីវិល ការសម្លាប់គ្រូបង្រៀន និងកុមារ
– ការសងសឹករវាងកម្លាំងរដ្ឋាភិបាល និងក្រុមតស៊ូប្រដាប់អាវុធ
– ការកាត់ក្បាល កាត់អវយវៈ ការដុតភូមិឋានរបស់អ្នកស្រុក និងវិនាសកម្មដទៃទៀត
– ការសងសឹកនាំអោយសង្រ្គាមស៊ីវិលអូសបន្លាយរយៈពេលយូរ
– បន្តស្វែងរកកិច្ចព្រមព្រៀងដើម្បីផ្អាកការប្រឈមមុខដោយកម្លាំងប្រដាប់អាវុធ
– ជនបន្លាស់ទី និងតម្រូវការមនុស្សធម៌
– គុណតម្លៃនៃសន្តិភាពតាមរយៈគោលនយោបាយឈ្នះឈ្នះរបស់ប្រមុខរាជរដ្ឋាភិបាលកម្ពុជាសម្តេច ហ៊ុន សែន
– ជំនួយមនុស្សធម៌ : មិនមែននយោបាយ (វ៉ាក់សាំង២លានដូសរបស់ចិន) និងមិនត្រូវលាបពណ៌នយោបាយ
– ជំនួយមនុស្សធម៌ក្នុងក្របខ័ណ្ឌអាស៊ានដំណាក់កាលទី២ (ស្បៀងអាហារ និងសុខាភិបាល) : ជៀសវាងគំនាបនយោបាយ
– កម្ពុជាត្រៀមបញ្ជូនអ្នកជំនាញសុខាភិបាលដើម្បីចាក់វ៉ាក់សាំងកូវីដករណីតម្រូវការចាំបាច់
– បរិយាកាសអំណោយផលនៃការសន្ទនាមាន : នយោបាយ អំណាច ប្រវត្តិសាស្ត្រ វប្បធម៌ អត្តសញ្ញាណ
– អង្គការសហប្រជាជាតិស្នើរសុំរកដំណោះស្រាយនៃវិបត្តិខាងលើ
– កម្ពុជានៅសល់ពេលត្រឹម៦ខែទៀត ដើម្បីសម្របសម្រួល ប៉ុន្តែមិនមែនជាភាគីជាប់ពាក់ព័ន្ធនៃជម្លោះរបស់ភូមា
– ច្រកចេញវិបត្តិនយោបាយ : កិច្ចព្រមព្រៀង៥ចំណុចរបស់អាស៊ាន ប៉ុន្តែពុំបានបញ្ជាក់ការបោះឆ្នោតឆ្នាំ២០២៣
– ក្រុមប្រដាប់អាវុធ និងគណបក្សនយោបាយត្រៀមទទួលយកបរិញ្ញាបណ្ណនៃការបោះឆ្នោត ប្រសិនបើការបោះឆ្នោតប្រកបដោយសេរី ត្រឹមត្រូវ និងយុត្តិធម៌
– វិសោធនកម្ម ឬរដ្ឋធម្មនុញ្ញថ្មី គឺអាស្រ័យលើភាគីពាក់ព័ន្ធទាំងអស់របស់ប្រទេសភូមា ប៉ុន្តែជាបញ្ហាស្មុគស្មាញ
– កម្ពុជាចំណាយពេលជិត២០ឆ្នាំដើម្បីទទួលបានសន្តិភាពពេញលេញ
– ក្រុមប្រឹក្សារដ្ឋបាលកាន់អំណាចនឹងព្រមទទួលយកការចរចាជាមួយក្រុមតស៊ូប្រដាប់អាវុធ និងក្រុមភារវករក្នុងករណីគ្មានចេតនាបំផ្លាញរដ្ឋាភិបាលបច្ចុប្បន្ន

* Q & A (សំណួរ-ចម្លើយ)
ចម្លើយរបស់ឯកឧត្តម ប្រាក់ សុខុន :

– អាស៊ានជួយភូមា ប៉ុន្តែនឹងមិនបណ្តោយអោយបែកបាក់ឯកភាពអាស៊ាន
– មិនមានសារសម្ងាត់ពីលោកស្រី អ៊ុង សានស៊ូជី ហើយប្រសិនបើមានក៏មិនទម្លាយក្នុងគ្រានេះ
– កម្ពុជាក្នុងនាមប្រធានអាស៊ានបានអញ្ជើញតំណាងមិនមែននយោបាយទៅរដ្ឋមន្ត្រីការបរទេសភូមាដើម្បីចូលរួមប្រជុំខែក្រោយ
– សម្តេចហ៊ុន សែន ស្នើសុំទៅរដ្ឋាភិបាលភូមាកុំអនុវត្តទោសប្រហារជីវិត
– រុស្សុី និងកិច្ចប្រជុំរបស់អាស៊ាន : អាស្រ័យលើកុងសង់ស៊ូសរបស់អាស៊ាន
– លោក Sergueï Lavrov រដ្ឋមន្ត្រីការបរទេសរុស្សុីត្រូវបានអាស៊ានចេញលិខិតអញ្ជើញចូលរួមប្រជុំរួចហើយ ដោយកំពុងរង់ចាំចម្លើយ
– ប្រទេសភូមាត្រូវការចាំបាច់នូវជំនួយវ៉ាក់សាំង និងកម្ពុជាត្រៀមបំពេញបេសកកម្មគ្រូពេទ្យស្មគ្រចិត្តក្នុងពេលតែមួយប្រកបដោយសុវត្ថិភាពគ្រប់ភាគីទំនាស់

ដោយ: ស្ទីវិន សាន់