ឯកឧត្តម អ៊ុក ប៊ុនឈឿន នាំយកទៀនព្រះវស្សា ទេយ្យវត្ថុ គ្រឿងឧបភោគ បរិភោគ ទៅវេរប្រគេនដល់ព្រះសង្ឃគង់នៅវត្តក្នុងស្រុកតំបែរ និងស្រុកក្រូចឆ្មារ ខេត្តត្បូងឃ្មុំ
ភ្នំពេញ៖ ឯកឧត្តម អ៊ុក ប៊ុនឈឿន ប្រធានក្រុមសមាជិកព្រឹទ្ធសភាប្រចាំភូមិភាគទី២ និងលោកជំទាវ នាព្រឹកថ្ងៃទី០៦ ខែកក្កដា ឆ្នាំ២០២២ បានអញ្ជើញនាំយកទៀនព្រះវស្សា ទេយ្យវត្ថុ គ្រឿងឧបភោគ បរិភោគ ទៅវេរប្រគេនដល់ព្រះសង្ឃដែលគង់នៅវត្តចំនួន០៣ ស្ថិតនៅក្នុងស្រុកតំបែរ និង០១វត្ត ស្ថិតនៅស្រុកក្រូចឆ្មារ ខេត្តត្បូងឃ្មុំ។
វត្តទាំង០៣ ក្នុងស្រុកតំបែររួមមាន៖ វត្តស្វាយតាមែក វត្តថ្មី វត្តគោកស្រុក និង០១វត្ត ក្នុងស្រុកក្រូចឆ្មារគឺវត្តបារាយ ក្នុងមួយវត្តៗទទួលបាន ទៀនវស្សា០១គូ ស្លាដក់០២កញ្ចប់ កន្រ្តកភេសជ្ជៈ០២កន្រ្តក អង្ករ០២បាវ ទឹកសុទ្ធ០៤កេស ប្រេងឆា៥លីត្រ ២ដប ធូប០២ដុំ មី០២កេស ប៊ីចេង០៦កញ្ចប់ អំបិល០៦កញ្ចប់ ត្រីខ០២យួរ ខ្ទឹម០២ថង់ សៀងដប០២យួរ ទឹកត្រី០២យួរ ទឹកស៊ីអ៉ីវ០២យួរ និងបច្ច័យក្នុងមួយវត្តៗចំនួន១,០០០,០០០រៀល៕
