ក្រសួងបរិស្ថាន៖ ស្ថានភាពគុណភាពខ្យល់នៅកម្ពុជាគឺ “ល្អណាស់”

ភ្នំពេញ៖ ក្រសួងបរិស្ថានជូនដំណឹងអំពីស្ថានភាពគុណភាពខ្យល់នៅកម្ពុជា សម្រាប់ថ្ងៃទី២៦ ខែកុម្ភៈ ឆ្នាំ២០២៦ ចាប់ពីម៉ោង ៧ ព្រឹក ដល់ម៉ោង ៧ ព្រឹក ថ្ងៃទី២៧ ខែកុម្ភៈ ឆ្នាំ២០២៦ ដែលមានកំហាប់ភាគល្អិតនិចលគិតជាមធ្យមស្មើនឹង២៤.៩៤ µg/m3 ធៀបនឹងស្តង់ដារ ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អណាស់”។

ដើម្បីធានាឱ្យគុណភាពខ្យល់នៅកម្ពុជា នារដូវប្រាំងនេះ ឱ្យនៅតែរក្សាបានគុណភាពល្អ

១៖ ទប់ស្កាត់និងបញ្ឈប់ ការដុតសំរាម សំណល់រឹង សំណល់ប្លាស្ទិក នៅតាមទីចំហ
២៖ ទប់ស្កាត់និងបញ្ឈប់ ការដុតស្មៅ គល់ជញ្រ្ជាំង និងសំណល់កសិកម្មផ្សេងៗទៀត
៣៖ ទប់ស្កាត់ភ្លើងឆេះព្រៃ ការកាប់ឆ្ការដុតរានព្រៃ ការទន្ទ្រានដីព្រៃដើម្បីតាំង លំនៅឋានខុសច្បាប់
៤៖ ទប់ស្កាត់ការហុយធូលីពីការដ្ឋានសំណង់ និងធូលីហុយនៅតាមដងផ្លូវ
៥៖ បន្តចូលរួមអនុវត្តយុទ្ធនាការ «ថ្ងៃនេះ ខ្ញុំមិនប្រើថង់ប្លាស្ទិកទេ» យុទ្ធនាការ «កម្ពុជាស្អាត ខ្មែរធ្វើបាន» និងយុទ្ធនាការ«ផ្លូវជាតិគ្មានសំរាម និងសំណល់ប្លាស្ទិក» ដើម្បីភាពស្អាតនៅតាមដងផ្លូវ និងទីសាធារណៈ៕