នាយឧត្តមសេនីយ៍ ហ៊ឹម យ៉ាន បើកកិច្ចប្រជុំពិភាក្សាការងារ ផែនការការពារសន្តិសុខ សណ្តាប់ធ្នាប់ ក្នុងឱកាសកិច្ចប្រជុំក្រុមប្រឹក្សា សហពន្ធ័កីឡាអាស៊ីអាគ្នេយ៍

ភ្នំពេញ៖ ឯកឧត្តមនាយឧត្តមសេនីយ៍ ហ៊ឹម យ៉ាន អគ្គស្នងការរងនគរបាលជាតិ និងជាប្រធានបញ្ជាការដឹកនាំផែនការការពារ សន្តិសុខ សណ្តាប់កិច្ចប្រជុំក្រុមប្រឹក្សាសហពន្ធ័កីឡាអាស៊ីអាគ្នេយ៍ នាព្រឹកថ្ងៃទី៦ ខែកក្កដា ឆ្នាំ២០២២ បានអញ្ជើញបើកកិច្ចប្រជុំពិភាក្សាការងារ ផែនការការពារសន្តិសុខ សណ្តាប់ធ្នាប់ ក្នុងឱកាសកិច្ចប្រជុំក្រុមប្រឹក្សា សហពន្ធ័កីឡាអាស៊ីអាគ្នេយ៍ ដែលនឹងប្រព្រឹត្តទៅចាប់ពីថ្ងៃទី១១-១៣ ខែកក្តដា ឆ្នាំ២០២២ ។

កិច្ចប្រជុំនេះក៏មានការចូលរួមពីសំណាក់ឯកឧត្តម ឧត្តមសេនីយ៍ឯក ចាន់ ស៊ីថា អគ្គស្នងការរងនគរបាលជាតិ ជាអនុប្រធាន ឧត្តមសេនីយ៍ឯក ម៉ន សាម៉ុន មេបញ្ជាការរងកងរាជអាវុធហត្ថលើផ្ទៃប្រទេស ជាអនុប្រធាន និងឧត្តមសេនីយ៍ឯក ជុំ សាវុឌ្ឍ ប្រធាននាយដ្ឋានអង្គរក្ស ជាអនុប្រធាន ព្រមទាំងមានការចូលរួមពីឯកឧត្តម អស់លោកជាអនុប្រធាន និងសមាជិកគណៈបញ្ជាការដឹកនាំ ដែលជាប្រធាន, អនុប្រធាននាយកដ្ឋាន ប្រធានអង្គភាព មកពីបណ្តាស្ថាប័នជំនាញពាក់ពន្ធ័ និងអាជ្ញាធរដែនដី ។

កិច្ចប្រជុំពិភាក្សានេះបានបញ្ចប់ដោយជោគជ័យ ក្នុងស្មារតីទទួលខុសត្រូវខ្ពស់លើភារកិច្ច ដែលបានកំណត់ក្នុងផែនការការពារ ៕