Update! ករណីបុរសម្នាក់ស្លាប់ នៅបឹងតាកែវ ក្រុងដូនកែវ ខេត្តតាកែវ
ភ្នំពេញ៖ នៅ រសៀល ថ្ងៃចន្ទ ទី ០៤ ខែកក្កដា ឆ្នាំ ២០២២ មាន ករណីធ្វើអត្តឃាតលោតទឹកសម្លាប់ខ្លួន មួយបានកើតឡើងនៅចំណុចមាត់បឹងតាកែវ (សួនច្បារមាត់បឹងមុខមណ្ឌល កុមារកំព្រាខេត្តតាកែវ) ដែលស្ថិតនៅភូមិ៣ សង្កាត់រកាក្នុង ក្រុងដូនកែវ ខេត្តតាកែវ។
ជនរងគ្រោះជាសាកសពមាន ឈ្មោះ ជិន ដារ៉ូ ភេទ ប្រុស អាយុ២៩ ឆ្នាំ មុខរបរ មិនពិតប្រាកដ មានទីកន្លែងកំណើត ភូមិព្រះស្តេច សង្កាត់ព្រះ ស្តេច ក្រុងបាត់ដំបង ខេត្តបាត់ដំបង និងទីលំនៅបច្ចុប្បន្នមិនពិតប្រាកដ បានធ្វើអត្តឃាតលោតទឹកសម្លាប់ខ្លួនឯង។
ក្រោយទទួលបានដំណឹងនេះកម្លាំងជំនាញ នៃអធិការដ្ឋាននគរបាលក្រុងដូនកែវ សហការជាមួយកម្លាំង ជំនាញបច្ចេកទេសវិទ្យាសាស្ត្រ នៃស្នងការនគរបាលខេត្តតាកែវ កម្លាំងប៉ុស្តិ៍នគររដ្ឋបាលរកាក្នុង ក្រុមគ្រូពេទ្យ និង អាជ្ញាធរពាក់ព័ន្ធ បានចុះដល់កន្លែងកើតហេតុនិងបានធ្វើការពិនិត្យកោសល្យវិច្ច័យលើសាកសព ដោយ លទ្ធផល ជនរងគ្រោះជាសាកសពពិតជាស្លាប់ដោយសារលង់ទឹកពិតប្រាកដមែនជនរងគ្រោះបានលេបថ្នាំប្រភេទ (Diazepem 0.5mg) ចំនួនមួយបន្ទះមាន ចំនួន១០គ្រាប់ និង ផឹក ស្រាបៀរ អាន់ឆ័រ ចំនួន ០៣កំប៉ុង ហើយក៏ លោត ចូល ទៅ ក្នុងបឹងតាកែវ ធ្វើអត្តឃាតស្លាប់បាត់បង់ជីវិតតែម្ដងគឺមិនមានជាប់ពាក់ព័ន្ធជាមួយនឹង បទល្មើសអ្វីនោះឡើយ ។
បច្ចុប្បន្ន សមត្ថកិច្ច បានដឹកសាកសពមកដម្កល់ ទុកនៅក្នុងវត្ត ខ្សឹង (ស្ថិតនៅភូមិខ្សឹង សង្កាត់រកាក្នុង ក្រុងដូនកែវ ) ដើម្បីរងចាំសាច់ញាតិ បងប្អូន មកទទួល យកទៅធ្វើបុណ្យតាមប្រពៃណី៕
