ឯកឧត្តម ឯក មនោសែន អញ្ជើញជាអធិបតីក្នុងពិធីសំណេះសំណាល ណែនាំតម្រង់ទិសដល់និស្សិត និងការវាយតម្លៃបន្ទប់រៀនស្អាត

ភ្នំពេញ÷នៅរសៀលថ្ងៃចន្ទ ទី១១ ខែសីហា ឆ្នាំ២០២៥ នេះ ឯកឧត្តម នាយឧត្តមសេនីយ៍សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា បានអញ្ជើញជាអធិបតីក្នុងពិធីសំណេះសំណាល ណែនាំតម្រង់ទិស និងការវាយតម្លៃបន្ទប់រៀនស្អាត ដល់និស្សិតថ្នាក់បរិញ្ញាបត្រវិទ្យាសាស្ត្រនគរបាល នៅសាលសម្តេចអគ្គមហាធម្មពោធិសាល ជា ស៊ីម។

ពិធីសំណេះសំណាលនិងតម្រង់ទិសនេះ ដើម្បីក្រើនរំឭកដល់និស្សិតឱ្យយកចិត្តទុកដាក់ការងារអនាម័យតាមបន្ទប់រៀន ដើម្បីឈានទៅវាយតម្លៃបន្ទប់រៀនស្អាតនិងការខិតខំប្រឹងប្រែងសិក្សា ហ្វឹកហាត់ គោរពបទបញ្ជាផ្ទៃក្នុងសាលា គោរពវិន័យសិក្សាក្នុងថ្នាក់និងក្រៅថ្នាក់ វិន័យស្នាក់នៅ វិន័យទទួលទានអាហារ ព្រមទាំងកិច្ចការរួមមួយចំនួនទៀត ដែលត្រូវចូលរួមជាមួយបណ្ឌិត្យសភានគរបាល៕