ភ្នំពេញ៖ នាព្រឹកថ្ងៃអង្គារ ទី០៨ ខែកក្កដា ឆ្នាំ២០២៥ ឯកឧត្តម យស ណាស៊ី ប្រធានក្រុមប្រឹក្សាខេត្តតាកែវ បានអញ្ជើញដឹកនាំកិច្ចប្រជុំ សាមញ្ញលើកទី១៤ របស់ក្រុមប្រឹក្សាខេត្ត ជាមួយ លោក ស៊ុត ខុន អភិបាលរង នៃគណៈអភិបាលខេត្តតាកែវ តំណាង ឯកឧត្តម វ៉ី សំណាង អភិបាលខេត្ត និងមានការអញ្ជើញចូលរួមដោយ ឯកឧត្តម លោកជំទាវ សមាជិកក្រុមប្រឹក្សាខេត្ត និង លោក លោកស្រី អភិបាលរងខេត្ត លោកនាយក នាយករង រដ្ឋបាលសាលាខេត្ត លោក លោកស្រី ប្រធានមន្ទីរអង្គភាពជុំវិញខេត្ត កងមម្លាំងទាំងបី និងមន្រ្តីរាជការពាក់ព័ន្ធចូលរួម។
របៀបវារៈដែលបានដាក់ជូនកិច្ចប្រជុំសាមញ្ញលើកទី១៤ របស់ ក្រុមប្រឹក្សាខេត្តខេត្តតាកែវ រួមមាន៖
១. ពិនិត្យកូរ៉ុមរបស់ក្រុមប្រឹក្សាខេត្ត ដែលបានចូលរួមប្រជុំ ដោយ លោក ឃុន ស៊ា នាយករងរដ្ឋបាលខេត្ត
២. មតិបើកកិច្ចប្រជុំសាមញ្ញលើកទី១៤ ដោយឯកឧត្តម យស ណាស៊ី ប្រធានក្រុមប្រឹក្សាខេត្ត
៣. ពិនិត្យ និងអនុម័តកំណត់ហេតុ កិច្ចប្រជុំលើកទី១៣ ដោយលោក ភុំ ផល នាយកទីចាត់ការរដ្ឋបាល
៤.ពិនិត្យ និងអនុម័ត សេចក្តីព្រាងរបាយការណ៍ប្រចាំឆមាសទី១ និងប្រចាំខែមិថុនា ឆ្នាំ២០២៥ ស្តីពីការអនុ វត្តការងាររបស់រដ្ឋ បាលខេត្តតាកែវ ដោយលោក ធូ សំណាង អនុប្រធានការិយាល័យសរុប និងព័ត៌មាន
៥.ពិនិត្យ និងអនុម័ត លើតារាងបែងចែកប្រាក់រង្វាន់ជូនមន្ត្រីរាជការរបស់សាលាខេត្តតាកែវ ប្រចាំខែមិថុនា ឆ្នាំ២០២៥ ដោយលោក ជឹម សាវរី នាយកទីចាត់ការគ្រប់គ្រងធនធានមនុស្ស
៦. ប្រកាសពេលវេលា កិច្ចប្រជុំសាមញ្ញលើកទី១៥ នៅថៃ្ងព្រហស្បតិ៍ ទី៧ ខែសីហា ឆ្នាំ២០២៥ ដោយ ឯកឧត្តម យស ណាស៊ី ប្រធានក្រុមប្រឹក្សាខេត្ត៕
