សម្តេចតេជោ ហ៊ុន សែន ណែនាំឲ្យបញ្ចប់រឿងបណ្ឌិត សុខ ទូច ជាមួយនគរបាលចរាចរតាមរបៀបឈ្នះ ឈ្នះ
ភ្នំពេញ៖ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា បានស្នើឲ្យបញ្ចប់វិវាទឯកឧត្ដមបណ្ឌិត សុខ ទូច ប្រធានរាជបណ្ឌិតសភាកម្ពុជា ជាមួយក្រុមមន្ត្រីនគរបាលចរាចរត្រឹមប៉ុណ្ណឹងបានហើយ ហើយកុំឲ្យអ្នកនិយមលេងបណ្តាញសង្គមហ្វេសប៊ុកបន្ថែមល្បើយអ្វីទៀតនាំឲ្យតែវែងឆ្ងាយទៀតនោះទេ ។
ខាងក្រោមនេះជាសំណេររបស់សម្ដេចតេជោ ហ៊ុន សែន ទាំងស្រុងដែលបានសរសេរបង្ហោះលើបណ្ដាញសង្គមហ្វេសប៊ុក៖
«ករណីបណ្ឌិត សុខ ទូច ជាមួយនគរបាលចរាចរណ៍បានក្លាយជា អាជីវកម្មដោយមិនដឹងខ្លួន។អ្នកមិនចូលចិត្តបណ្ឌិត សុខ ទូច បានថែមអំបឹលប្រហុកដើម្បីទាញទម្លាក់
បណ្ឌិត សុខ ទូច។ ឯអ្នកមិនចូលចិត្តនគរបាលចរាចរណ៍ ក៏ប្រឹងថែមទឹកត្រីនិងបុីចេង ដើម្បីវាយប្រហារនគរបាលចរាចរណ៍។តើអ្នកណាជាអ្នកទទួលផលចំណេញ
លើហេតុការណ៍នេះ? គ្មានអ្នកណាចំណេញនោះឡើយតែផ្ទុយទៅវិញ គឺខាតទាំងអស់គ្នា។ ខ្ញុំសូមបងប្អូនជនរួមជាតិក៏ដូចជា អ្នកពាក់ពន្ធ័សូមបញ្ចប់រឿងនេះត្រឹមនេះ
តាមរបៀបឈ្នះឈ្នះ និងសហការគ្នាបន្តការងាររៀងៗខ្លួន។ សង្ឃឹមថាអ្នកថែមអំបិលប្រហុកទឹកត្រីបុីចេង បញ្ឈប់ថែមសាំងចាក់លើភ្លើងរាប់ទាំង អ្នកផ្តល់សារមកខ្ញុំវាយប្រហារម្ខាងៗ។ បើលុបសារនោះចោលខ្លួនឯង ជាការល្អព្រោះខ្ញុំបានមើលរួចហើយ» ៕
