សាកសពបុរសជនជាតិចិនម្នាក់ ត្រូវបានបុគ្គលិកអនាម័យក្នុងផ្ទះសំណាក់ ប្រទះឃើញក្នុងវ៉ាលី បង្កការភ្ញាក់ផ្អើលនៅក្រុងប៉ោយប៉ែត
ភ្នំពេញ៖ សាកសពបុរសជនជាតិចិនម្នាក់ ត្រូវបានបុគ្គលិកអនាម័យក្នុងផ្ទះសំណាក់ ប្រទះឃើញក្នុងវ៉ាលី បង្កការភ្ញាក់ផ្អើលកាលពីថ្ងៃទី២៩ ខែធ្នូ ឆ្នាំ២០២៤ ស្ថិតនៅក្នុងសង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។ ករណីនេះ សមត្ថកិច្ចដាក់ការសង្ស័យថាជាអំពើឃាតកម្ម។
ការបញ្ជាក់ពីសមត្ថកិច្ច បានឱ្យដឹងថា ក្រោយទទួលបានសេចក្ដីរាយការណ៍ពីម្ចាស់ផ្ទះសំណាក់ពីករណីឃើញសាកសពក្នុងវ៉ាលិសនៅក្នុងបន្ទប់ ភ្លាមៗកម្លាំងជំនាញបានចុះទៅដល់ទីតាំងកើតហេតុ ព្រមទាំងសាកសួរព័ត៌មានបឋមពីពលរដ្ឋ ទើបដឹងថា មុនពេលកើតហេតុ ជនរងគ្រោះបានឈ្លោះប្រកែកគ្នាតឹងសសៃក ជាមួយមិត្តភក្តិជាជនជាតិចិនដូចគ្នា រហូតឈានដល់ការគំរាមសម្លាប់ផងដែរ ។
បន្ទាប់ពីធ្វើកោសល្យវិនិច្ឆ័យលើសាកសពរួច កម្លាំងជំនាញពិនិត្យឃើញថា ជនរងគ្រោះ ត្រូវឃាតកកាប់សម្លាប់ រួចញាត់ចូលក្នុងវ៉ាលិសប្លុងចោលក្នុងបន្ទប់ផ្ទៈសំណាក់ ខណៈអតិថិជនភាគច្រើនជាជនជាតិចិន ដែលជួលស្នាក់នៅ ព្រោះថៅកែផ្ទះសំណាក់នោះ ក៏ជាជនជាតិចិនដែរ។ សមត្តកិច្ចជំនាញកម្ពុជា បានស្នើមន្ត្រីស្ថានទូតចិន ឱ្យទៅទទួលយកសាកសពនោះ៕
