ថៃ ផ្អាកការនាំចេញប្រេងដូងឆៅបណ្ដោះអាសន្ន ដោយសារទិន្នផលដាំក្បាលចុះក្រោម បណ្តាលមកពីគ្រោះរាំងស្ងួត

បាងកក៖ នាយកដ្ឋានពាណិជ្ជកម្មក្នុងស្រុករបស់ប្រទេសថៃ បានផ្អាកការនាំចេញប្រេងដូងឆៅបណ្ដោះអាសន្ន ដោយសារទិន្នផលដាំក្បាលចុះក្រោម បណ្តាលមកពីគ្រោះរាំងស្ងួត និងបញ្ហាជំងឺរុក្ខជាតិ។ នេះបើតាមការចុះផ្សាយរបស់កាសែតថៃ The Nation។

ការរឹតបន្តឹងនេះរំពឹងថា នឹងមានរយៈពេលរហូតដល់ខែធ្នូ ក្នុងគោលបំណងរក្សាស្ថិរភាពតម្លៃក្នុងស្រុក និងធានាបាននូវកម្រិតភាគហ៊ុនគ្រប់គ្រាន់។ រដ្ឋមន្ត្រីក្រសួងពាណិជ្ជកម្មថៃលោក ភីឆៃ ណារីបថាផាន់ បានគូសបញ្ជាក់ថា ស្ថានភាពទីផ្សារបច្ចុប្បន្ន ឆ្លុះបញ្ចាំងពីការថយចុះគួរឱ្យកត់សម្គាល់នៃទិន្នផលដូងប្រេង ដូច្នេះ ចាំបាច់ត្រូវតែមានវិធានការសម្រាប់ទាំងកសិករ និងតម្រូវការអ្នកប្រើប្រាស់។

ទន្ទឹមគ្នានេះ លោក ហ្កោរ៉ានីច ណូនេជូអ៊ី (Goranij Nonejuie) អគ្គនាយករងនៃនាយកដ្ឋានស្ថិតក្រោមចំណុះក្រសួងពាណិជ្ជកម្ម បានបញ្ជាក់ថា តម្លៃបច្ចុប្បន្នគឺនៅត្រឹម៨ទៅ៩បាតក្នុងមួយគីឡូក្រាម។ យ៉ាងណា ក្រសួងបានសម្របសម្រួលពិភាក្សាជាមួយសមាគមរោងចក្រចម្រាញ់ប្រេងដូង និងអ្នកលក់រាយផ្សេងៗ ដើម្បីគ្រប់គ្រងកម្រិតភាគហ៊ុន និងពន្យារពេលការកែសម្រួលតម្លៃសម្រាប់អ្នកប្រើប្រាស់។

ជាមួយគ្នានេះ សមមាគមចម្រាញ់ប្រេងដូងបានសន្យាពេលសហការជាមួយកិច្ចខិតខំប្រឹងប្រែងរបស់រាជរដ្ឋាភិបាល ដោយបានយល់ព្រមផ្អាកការនាំចេញ និងរួមគ្នាដើម្បីរក្សាស្ថិរភាពតម្លៃ។ លើសពីនេះ អ្នកលក់រាយ និងអ្នកលក់ដុំបានប្តេជ្ញារក្សាតម្លៃសមរម្យសម្រាប់ប្រេងដូងដប និងអនុវត្តការផ្ដល់ជូនជាពិសេស ដើម្បីកាត់បន្ថយផលប៉ះពាល់ដល់អ្នកប្រើប្រាស់។ សមាគមដដែលបានប្តេជ្ញាផ្អាកការនាំចេញរហូតដល់ស្ថានភាពប្រសើរឡើងវិញ ខណៈពេលវេលាពន្យារនេះទំនងជានឹងប្រតិបត្តិការឡើងវិញ នៅខែមករា ឆ្នាំ២០២៥។ ដើម្បីទប់ស្កាត់ការឡើងថ្លៃ នាយកដ្ឋានបានព្រមានថា អ្នកបំពានតម្លៃអាចប្រឈមមុខនឹងការជាប់ពន្ធនាគាររហូតដល់ប្រាំពីរឆ្នាំ ឬពិន័យជាប្រាក់រហូតដល់១៤ម៉ឺនបាត ខណៈក្ដីបារម្ភអំពីការកើនឡើងតម្លៃប្រេងដូងឆៅនឹងបន្តត្រូវបានត្រួតពិនិត្យយ៉ាងម៉ឺងម៉ាត់៕