ឧត្ដមសេនីយ៍ឯក មេបញ្ជាការកងពលធំអន្តរាគមន៍លេខ២ បើកវគ្គហ្វឹកហ្វឺនបំប៉នជំនាញ កាំភ្លើងគាំទ្រ និងយុទ្ធវិធីថ្មើជើងឆ្នាំ២០២៣
ភ្នំពេញ៖ នៅថ្ងៃទី១១ ខែមិថុនា ឆ្នាំ២០២៤ ឯកឧត្តម ឧត្តមសេនីយ៏ឯក កែវ ធី មេបញ្ជាការរងកងទ័ពជើងគោក មេបញ្ជាការកងពលធំអន្តរាគមន៍លេខ២ បានអញ្ជើញជាអធិបតីក្នុងពិធីបើកវគ្គហ្វឹកហ្វឺនជំនាញ និងយុទ្ធវិធីថ្មើរជើង ឆ្នាំ២០៤ នៅទីបញ្ជាការកងពលធំអន្តរាគមន៍លេខ២ ។
វរសេនីយ៍ទោ សេង ម៉េងឡុង នាយការយាល័យហ្វឹកហ្វឺនកងពលធំអន្តរាគមន៍លេខ២ បានរាយការណ៍អំពី វគ្គហ្វឹកហ្វឺនជំនាញ និងយុទ្ធវិធីថ្មើរជើងឆ្នាំ២០២៤ មានសិក្ខាកាមសរុបចំនួន ៣៥០នាក់ ។
វគ្គហ្វឹកហ្វឺនជំនាញ ថ្មើរជើងសមាសភាពរួម ចំនួន ៤៦៣នាក់៖
-គណៈកម្មការគ្រប់គ្រង់វគ្គ ចំនួន១៩ នាក់
-យោធាចារ្យ ចំនួន២១ នាក់
-បំរើការ ចំនួន១៣ នាក់
-សិក្ខាកាម ចំនួន៤១០ នាក់ ។
វគ្គហ្វឹកហ្វឺន
-វគ្គបំប៉ន ជំនាញកាំភ្លើងគាំទ្រថ្មើរជើង ចំនួន៦០ នាក់
-វគ្គបំប៉ន ជំនាញរថក្រោះ ចំនួន៥០ នាក់
-វគ្គបំប៉ន ជំនាញយុទ្ធវិធីថ្មើរជើង ពង្រឹងវរសេនាតូចអន្តរាគមន៍ ចំនួន៣០០ នាក់ ។
ហ្វឹកហ្វឺនរយៈពេល ៩១ថ្ងៃ ស្មើនឹង ៦៣៧ម៉ោង សិក្សាខ្លឹមសារមេរៀនមាន ៖ បំប៉នជំនាញកាំភ្លើងគាំទ្រថ្មើរជើង ,យុទ្ធវិធីថ្មើរជើង , អប់រំចិត្តសាស្ត្រ , វិន័យ និងយោធារួម ។
ឧត្តមសេនីយ៍ឯក កែវ ធី បានមានប្រសាសន៍ ដល់សិក្ខាកាមវគ្គហ្វឹកហ្វឺនបំប៉នជំនាញ និងយុទ្ធវិធីថ្មើរជើងឆ្នាំ២០២៤ ដែលប្រារព្ធបើកវគ្គនាពេលនេះពិតជាមានសារៈសំខាន់សម្រាប់ការកសាងធនធានមនុស្ស ពង្រឹងសមត្ថភាព គុណភាព ការ ទទួលខុសត្រូវ និងសក្តានុពលការពារជាតិ ព្រមទាំងសកម្មភាពប្រចាំថ្ងៃរបស់កងទ័ពក្នុងការបំពេញភារកិច្ច ការបង្កើនប្រសិទ្ធភាព ទាំងចំណេះដឹង ចំណេះធ្វើពិតប្រាកដ និងបម្រើឲ្យការងារប្រយុទ្ធស្របទៅតមលក្ខណះបច្ចេកទេស សំដៅលើកកម្ពស់ចំណេះដឹង និងចំណេះធ្វើឲ្យដើរទន្ទឹមគ្នា ធានាបាននូវប្រសិទ្ធភាព និងសមត្ថភាពខ្ពស់ក្នុងការបំពេញភារកិច្ចចូលរួមចំណែកលើភារកិច្ចការពារអធិបតេយ្យជាតិ ការពារបូរណភាពទឹកដី ជាតិមាតុភូមិនៃយើង ត្រូវចូលរួមគាំទ្រ។
នាឱកាសនេះឯកឧត្តម បានមានប្រសាសន៍ផ្ដាំផ្ញើមួយចំនួនដែលជាកត្តាចាំបាច់ដែលធ្វើឲ្យជោគជ័យនៃការបណ្តុះបណ្តាលធនធានមនុស្សនៃកងយោធពលខេមរភូមិន្ទ បានល្អ និងជោគជ័យ (ស៊ូបង្ហូរញើសលើទីលាន ប្រសើរជាងបង្ហូរឈាមលើសមរភូមិ) ត្រូវមានសាមគ្គីភាព ឯកភាពផ្ទៃក្នុង , គណៈគ្រប់គ្រងវគ្គ ត្រូវមានគោលការណ៍ និងចក្ខុវិស័យច្បាស់លាស់ រីឯគ្រូយោធាចារ្យត្រូវមាន និងរៀបចំឯកសារមេរៀនគ្រប់គ្រាន់ និងល្អៗ និងអនុវត្តន៍នូវវិន័យម៉ឺងម៉ាត់ទាំងនៅក្នុងថ្នាក់ ក៏ដូចជានៅទីលាន យើងទាំងអស់គ្នាត្រូវប្ដេជ្ញាការពារ សម្ដេចមហាបវធិបតី ហ៊ុន ម៉ាណែត ជានាយករដ្ឋមន្រ្តីស្របច្បាប់ដែលប្រសូតចេញពីការបោះឆ្នោតដ៏ត្រឹមត្រូវយុត្តិធម៌ ចូលរួមអនុវត្តឱ្យបានជោគជ័យកម្មវិធីនយោបាយ និងយុទ្ធសាស្រ្តបញ្ចកោណរបស់រាជរដ្ឋាភិបាល នីតិកាលទី៧ នៃរដ្ឋសភា និងបានប្រកាសគាំគាំទ្រ គម្រោងព្រែកជីក «ហ្វូណន-តេជោ» ចាប់ពីខែសីហា ឆ្នាំ២០២៤ ខាងមុខ។
ជាចុងក្រោយតំណាងសិក្ខាកាមទាំងអស់បានប្ដេជ្ញាចិត្តខិតខំរៀនសូត្រ មានវិន័យខ្ពស់ គោរពវិន័យបទបញ្ជាផ្ទៃក្នុងវគ្គ មានសាមគ្គីផ្ទៃក្នុងល្អ និងគោរពពេលវេលារៀនសូត្រអោយបានទៀងទាត់ ពេលបញ្ចប់វគ្គទទួលបានលទ្ធិផលល្អគ្រប់ៗគ្នា៕
