ឧត្តមសេនីយ៍ទោ ម៉ៅ វិស្សុត បើកវគ្គបណ្ដុះបណ្ដាលស្ដីពី កិច្ចការរដ្ឋបាលទូទៅ ការតាក់តែងលិខិត និងការរៀបចំផែនការថវិកា ជូនមន្ដ្រីក្រោមចំណុះ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ

ភ្នំពេញ៖ កាលពីថ្ងៃទី២៧ ខែឧសភា ឆ្នាំ២០២៤ ឯកឧត្ដម ឧត្តមសេនីយ៍ទោ ម៉ៅ វិស្សុត អគ្គនាយករង និងជាតំណាងដ៏ខ្ពង់ខ្ពស់របស់ ឯកឧត្តម ឧត្តមសេនីយ៍ឯក ហោ សំអាត អគ្គនាយក នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានអញ្ជើញជាអធិបតីបើកវគ្គបណ្ដុះបណ្ដាល ស្ដីពី កិច្ចការរដ្ឋបាលទូទៅ និងការតាក់តែងលិខិត និងការរៀបចំផែនការថវិកា ជូនថ្នាក់ដឹកនាំ និងមន្រី្តនគរបាលជាតិ ក្រោមចំណុះអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ដែលមានសិក្ខាកាមសរុបចំនួន ៣៥០រូប ដោយបែងចែកជា ៦វគ្គ។

ក្នុងឱកាសនេះដែរ ឯកឧត្តម ឧត្តមសេនីយ៍ទោ អគ្គនាយករង បានកោតសរសើរ និងវាយតម្លៃខ្ពស់ចំពោះការសហការរវាងនាយកដ្ឋានបណ្តុះបណ្តាល និងអភិបាលកិច្ចបច្ចេកវិទ្យាឌីជីថល ជាមួយនឹង សាលាជាតិរដ្ឋបាលមូលដ្ឋាន ព្រមទាំងសិក្ខាកាមទាំងអស់ដែលបានចូលរួមវគ្គបណ្តុះបណ្តាល នាថ្ងៃនេះ។

ឯកឧត្តម បានគូសបញ្ជាក់ថា កិច្ចការរដ្ឋបាលទូទៅ ការតាក់តែងលិខិត និងការរៀបចំផែនការថវិកា ជាកិច្ចការងារដែលមានសារៈសំខាន់ខ្លាំងណាស់ សម្រាប់ថ្នាក់ដឹកនាំ និងមន្ត្រីទាំងអស់គ្រប់បណ្តាអង្គភាព យកទៅអនុវត្តការងារជាប្រចាំថ្ងៃឱ្យមានប្រសិទ្ធភាព និងប្រសិទ្ធផល៕