ឯកឧត្ដម អ៊ូច ភា នាំយកអំណោយ សម្ដេចកិត្តិព្រឹទ្ធបណ្ដិត ចែកជូនពលរដ្ឋរងគ្រោះដោយសារខ្យល់កន្រ្តាក់ ៦៧ខ្នងផ្ទះ នៅស្រុកសំរោង និងស្រុកបាទី
ភ្នំពេញ៖ ឯកឧត្ដម អ៊ូច ភា ប្រធានគណៈកម្មាធិការសាខាកាកបាទក្រហមកម្ពុជាខេត្តតាកែវ រួមជាមួយក្រុមការងារសាខាកាកបាទក្រហមកម្ពុជាខេត្តតាកែវ រួមជាមួយឯកឧត្តម លោកជំទាវ លោក លោកស្រី ដែលជាសមាជិក គណកម្មការ និងនាយកប្រតិបត្តិ នាថ្ងៃទី៧ ខែឧសភា ឆ្នាំ២០២៤ បាននាំយកអំណោយ សម្ដេចកិត្តិព្រឹទ្ធបណ្ដិត ប៊ុន រ៉ានី ហ៊ុន សែន មកចែកជូនបងប្អូនប្រជាពលរដ្ឋ រងគ្រោះដោយសារខ្យល់កន្រ្តាក់ចំនួន ៦៧ខ្នងផ្ទះ នៅស្រុកសំរោង និងស្រុកបាទី ។
ជាមួយគ្នានេះ ឯកឧត្ដម អ៊ូច ភា ក៏បានពាំនាំមតិផ្តាំផ្ញើសាកសួរសុខទុក្ខពីសំណាក់សម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាលសម្ដេចតែងតែយកចិត្តទុកដាក់គិតគូរអំពីសុខទុក្ខ ដល់ប្រជាពលរដ្ឋដែលរងគ្រោះ និងងាយរងគ្រោះ នៅគ្រប់ទីកន្លែងដោយមិនប្រកាន់និន្នាការ នយោបាយ ពូជសាសន៍ ពណ៌សម្បុរអ្វីឡើយ ដូចពាក្យស្លោក ទីណាមានការលំបាកទីនោះមានកាកបាទក្រហមកម្ពុជា។
អំណោយយកចែកជូននាឱកាសនោះដែររួមមាន៖ ឃីត ១កញ្ចប់ កន្ទេល១ តង់១ អង្ករ ២៥គីឡូ ព្រមថវិកា ឯកឧត្តម បណ្ឌិត ជា វ៉ាន់ដេត រដ្ឋមន្រ្តីក្រសួងប្រៃសណីយ៍ និងទូរគមនាគមន៍ ផ្ដល់ជូន គ្រួសាររលំទាំងស្រុង ៤០ម៉ឺនរៀល ខូចខាតមធ្យម ២០ម៉ឺនរៀល និងខូចខាតស្រាល ១០ម៉ឺនរៀល ។ បន្ថែមពីដែរ ឯកឧត្តម ប្រធានក្រុមការងារ ស្រុកសំរោង និងស្រុកបាទី ចូលរួម គ្រួសាររលំទាំងស្រុង ២០ម៉ឺនរៀល ខូចខាតមធ្យម ១០ម៉ឺនរៀល និងខូចខាតស្រាល ៥ម៉ឺនរៀលផងដែរ ៕
