អ៊ុយក្រែនវាយប្រហាររោងចក្រប្រេងរបស់រុស្ស៊ី
បរទេស៖អភិបាលក្នុងតំបន់ លោក Vasily Anokhin បានរាយការណ៍កាលពីព្រឹកថ្ងៃពុធថា កងកម្លាំងអ៊ុយក្រែនបានកំណត់គោលដៅលើហេដ្ឋារចនាសម្ព័ន្ធថាមពលស៊ីវិលនៅក្នុងតំបន់ Smolensk របស់ប្រទេសរុស្ស៊ី ជាមួយនឹងយន្តហោះគ្មានមនុស្សបើក។
Anokhin បានសរសេរនៅលើ Telegram ប្រហែលម៉ោង ៥ ព្រឹកម៉ោងក្នុងស្រុកថា “តំបន់របស់យើងកំពុងរងការវាយប្រហារម្តងទៀតដោយ UAVs អ៊ុយក្រែន” ។
យោងតាមមន្ត្រីបានឱ្យដឹងថា ការវាយប្រហារដោយយន្តហោះគ្មានមនុស្សបើកបានកំណត់គោលដៅលើ “ឥន្ធនៈស៊ីវិល និងកន្លែងថាមពល” ហើយបានបណ្តាលឱ្យមានអគ្គីភ័យជាច្រើននៅក្នុងស្រុក Smolensky និង Yartsevsky នេះបើយោងតាមមន្ត្រី។ លោក Anokhin បានបន្ថែមថា ក្រុមអ្នកពន្លត់អគ្គីភ័យកំពុងធ្វើការដើម្បីពន្លត់អគ្គិភ័យរួចហើយ ដោយបានជំរុញឱ្យអ្នកស្រុករក្សាភាពស្ងប់ស្ងាត់។
តំបន់ Smolensk មានចម្ងាយប្រហែល ៣០០ គីឡូម៉ែត្រភាគអាគ្នេយ៍នៃទីក្រុងមូស្គូ និងមានព្រំប្រទល់ជាប់ប្រទេសបេឡារុស្ស។ ចម្ងាយទៅព្រំដែនជាមួយអ៊ុយក្រែនគឺប្រហែល ៤០០ គីឡូម៉ែត្រ។
អ៊ុយក្រែនបានប៉ុនប៉ងទម្លាក់គ្រាប់បែកលើកន្លែងផលិតប្រេង និងថាមពលដែលមិនបានបញ្ចេញឈ្មោះមួយទៀតក្នុងទីក្រុង Smolensk កាលពីសប្តាហ៍មុន។
យោងតាមលោក Anokhin បានឱ្យដឹងថា ខណៈពេលដែលយន្តហោះគ្មានមនុស្សបើកត្រូវបានទម្លាក់ កំទេចកំទីបានធ្លាក់ទៅលើកន្លែងផ្ទុកប្រេង និងប្រេងរំអិល ដែលបណ្តាលឱ្យមានអគ្គីភ័យតិចតួច។
