ស្រ្តីមេម៉ាយ ដែលរងគ្រោះដោយភ្លើងឆេះផ្ទះ នៅស្រុកប្រាសាទបល្ល័ង្ក ទទួលបានអំណោយមនុស្សធម៌ ពីសាខាកាកបាទក្រហមកម្ពុជា ខេត្តកំពង់ធំ
ភ្នំពេញ៖ នាថ្ងៃទី២២ ខែមីនា ឆ្នាំ២០២៤ នេះលោកស្រី ឡេង សុឃីម នាយិការងសាខាកាកបាទក្រហមកម្ពុជា ខេត្តកំពង់ធំ រួមជាមួយលោកស្រីអនុប្រធាន កក្រក ស្រុកប្រាសាទបល្ល័ង្ក បានចុះសួរសុខទុក្ខ និងនាំយកអំណោយមនុស្សធម៌ ជាសម្ភារប្រើប្រាស់ គ្រឿងឧបភោគ បរិភោគ និងថវិកា របស់សាខា និងឣនុសា
ខា ទៅចែកជូនដល់គ្រួសារអ៊ុំស្រី អូក អៀក អាយុ៦៦ឆ្នាំ ជាស្រ្តីមេម៉ាយ ដែលរងគ្រោះដោយភ្លើងឆេះផ្ទះ កាលពីរសៀលថ្ងៃទី២១ ខែមីនា ដែលមានទីលំនៅក្នុងភូមិគ្រួស
ឃុំដូង ស្រុកប្រាសាទបល្ល័ង្ក ខេត្តកំពង់ធំ ។
មានប្រសាសន៍ក្នុងឱកាសនោះ លោកស្រីនាយិការងបានពាំនាំនូវប្រសាសន៍របស់ឯកឧត្តម ងួន រតន: ប្រធានគណ:កម្មាធិការកាកបាទក្រហមកម្ពុជា ខេត្តកំពង់ធំ ដែលបានផ្ដាំផ្ញើសួរសុខទុក្ខ ក្តីនឹករលឹក ការស្រឡាញ់យ៉ាងជ្រាលជ្រៅជូនចំពោះបងប្អូនប្រជាពលរដ្ឋទាំងអស់ ដែលជានិច្ចកាល ឯកឧត្តម តែងតែយកចិត្តទុកដាក់គិតគូរពីសុខទុក្ខប្រជពលរដ្ឋរងគ្រោះ និងងាយរងគ្រោះ ជនចាស់ជរា ស្រ្តីមេម៉ាយ កុមារកំព្រា អ្នករស់នៅជាមួយមេរោគអេដស៍ ជាពិសេសឯកឧត្តមតែងឆ្លើយតបនិងជួយសង្គ្រោះចំពោះគ្រោះមហន្តរាយផ្សេងៗ ។
ទន្ទឹមនឹងនោះដែរ លោកស្រី ក៏បានផ្តាំផ្ញើដល់បងប្អូនប្រជាពលរដ្ឋទាំងអស់ ត្រូវមានការប្រុងប្រយ័ត្នជាប់ជានិច្ចចំពោះ គ្រោះអគ្គិភ័យ គ្រោះធម្មជាតិ ដែលអាចកើតមាន
ឡើងគ្រប់ពេល ត្រូវអប់រំកូនចៅឱ្យជៀសឆ្ងាយពីគ្រឿងញៀន មានការប្រុងប្រយ័ត្នខ្ពស់ចំពោះគ្រោះថ្នាក់ចរាចរណ៍ បើកបរត្រូវគោរពច្បាប់ចរាចរណ៍ និងខិតខំបង្កបង្កើនផល
ដាំដំណាំរួមផ្សំសម្រាប់ទ្រទ្រង់ជីវភាព និងបង្កើនសេដ្ឋកិច្ចគ្រួសារអោយកាន់តែប្រសើឡើង ។
អំណោយដែលបានផ្តល់ជូនគ្រួសាររងគ្រោះរួមមាន៖ អង្ករ២៥គីឡូក្រាម មី ១កេស ត្រីខ០១យួរ ទឹកត្រី ១យួរ ទឹកស៊ីអីវ ១យូរ ឃីត១កញ្ចប់ តង់០១ កន្ទេល០១ ឆ្នាំង
០២ និងថវិកាមួយចំនួន៤០ ម៉ឺនរៀល ។ក្នុងនោះសម្ភារអនុសាខារួមមាន៖ អង្ករ៣០គីឡូមី០១កេ
ស ត្រីខ០១យួរ ទឹកត្រី០១ យូរ ទឹកស៊ីអ៊ីវ០១ យូរ សម្ភារផ្ទះបាយ១ឆុត និងថវិកាមូយចំនួនផងដែរ ។
