តៃប៉ិ៖ របាយការណ៍ក្រសួងការពារជាតិតៃវ៉ាន់បានឲ្យដឹងកាលពីថ្ងៃព្រហស្បតិ៍ថា ប្រទេសចិនបានបង្កើនសង្រ្គាមតំបន់ពណ៌ប្រផេះប្រឆាំងនឹងកោះតៃវ៉ាន់ក្នុងគោលបំណងធ្វើឱ្យតំបន់ជុំវិញកោះប្រជាធិបតេយ្យ ជាមួយនឹងប៉េងប៉ោង យន្តហោះគ្មានមនុស្សបើក និងទូកស៊ីវិល។
តៃវ៉ាន់ ដែលរដ្ឋាភិបាលបដិសេធការទាមទារអធិបតេយ្យភាពរបស់ទីក្រុងប៉េកាំង បានត្អូញត្អែរក្នុងរយៈពេលប៉ុន្មានឆ្នាំចុងក្រោយនេះថា ចិនបាននិងកំពុងប្រើប្រាស់អ្វីដែលគេហៅថាសង្គ្រាមតំបន់ប្រផេះ ដែលប្រើយុទ្ធសាស្ត្រមិនទៀងទាត់ ដើម្បីកម្ចាត់សត្រូវដោយមិនងាកទៅរកការប្រយុទ្ធបើកចំហ។
នៅក្នុងរបាយការណ៍មួយដែលបានផ្ញើទៅសភា ច្បាប់ចម្លងដែលត្រូវបានពិនិត្យដោយ Reuters ក្រសួងបានឲ្យដឹងថាទីក្រុងប៉េកាំងបានបើកយុទ្ធសាស្ត្រ តំបន់ប្រផេះចម្រុះផ្នែកខាងមុខ ដើម្បីយាយីតៃវ៉ាន់ រួមទាំងការបង្កើនការល្បាតនៃកប៉ាល់ និងយន្តហោះ។
របាយការណ៍បានបន្តថា ប្រទេសចិនបានព្យាយាម បង្កើនបន្ទុកនៃកងទ័ពជើងទឹក និងដែនអាកាសរបស់យើង និងដើម្បីបិទបាំងអត្ថិភាពនៃខ្សែបន្ទាត់មធ្យមនៅក្នុងច្រកសមុទ្រ ដោយយោងទៅលើព្រំដែនមិនផ្លូវការរវាងភាគីទាំងពីរ ដែលកងកម្លាំងរបស់ប្រទេសចិនបានចាប់ផ្តើមឆ្លងកាត់ជាទៀងទាត់ក្នុងរយៈពេលថ្មីៗនេះ។
របាយការណ៍បានបន្ថែមថា ចិនក៏បានបញ្ចូលនាវាស្រាវជ្រាវ និងកងជីវពលផងដែរក្នុងចលនាមួយដើម្បី ក្លែងសកម្មភាពយោធាជាមួយជនស៊ីវិល។
ការិយាល័យកិច្ចការតៃវ៉ាន់របស់ចិនមិនបានឆ្លើយតបភ្លាមៗចំពោះសំណើសុំការអត្ថាធិប្បាយទេ។
ដើម្បីទប់ទល់នឹងការគម្រាមកំហែងរបស់ចិន ក្រសួងបានបញ្ជាក់ថា ខ្លួនកំពុងធ្វើការលើវិធានការដើម្បី ថែរក្សាកងទ័ពរបស់ខ្លួននៅក្នុងព្រឹត្តិការណ៍នៃសង្គ្រាម ដោយបង្កើនភាពធន់នៃហេដ្ឋារចនាសម្ព័ន្ធរបស់ខ្លួន និងការធ្វើសមយុទ្ធ ដើម្បីធានាថាកងកម្លាំងតៃវ៉ាន់អាចរស់រានមានជីវិតនៅក្នុងជម្លោះដ៏យូរ។ ក្រសួងក៏បានឲ្យដឹងថា ខ្លួនកំពុងទាញមេរៀនពីសង្រ្គាមនៅអ៊ុយក្រែន និងសង្រ្គាមរវាងអ៊ីស្រាអែល និងក្រុមអ៊ីស្លាមប៉ាឡេស្ទីន Hamas។
ក្រសួងបានបន្ថែមថា ខ្លួនកំពុងស្តុកទុកអាវុធ និងឥន្ធនៈ ដើម្បីស៊ូទ្រាំសង្គ្រាមដ៏រ៉ាំរ៉ៃជាមួយចិន។
ក្រសួងបានបន្ថែមទៀតថា នៅក្នុងជម្លោះមួយ ប្រទេសចិននឹងព្យាយាមដណ្តើមកាន់កាប់តៃវ៉ាន់យ៉ាងឆាប់រហ័ស និងការពារការអន្តរាគមន៍ពីខាងក្រៅ ដើម្បីធ្វើឱ្យមានភាពស្មុគស្មាញ កោះនេះកំពុងធ្វើការដើម្បីធ្វើពិពិធកម្មប្រព័ន្ធបញ្ជារបស់ខ្លួន និងបញ្ចូលអាវុធចល័ត និងរយៈចម្ងាយឆ្ងាយបន្ថែមទៀត ព្រមទាំងបញ្ញាសិប្បនិមិត្ត ខណៈពេលដែលបង្កើនការតភ្ជាប់ ជាមួយសម្ព័ន្ធមិត្តប្រជាធិបតេយ្យ រួមទាំងសហរដ្ឋអាមេរិកផងដែរ។ របាយការណ៍មិនបានបញ្ជាក់លម្អិតអំពីជំហានទាំងនោះថាមានកម្រិតណាទេ។
ប្រទេសចិនបានបញ្ជាក់នៅសប្តាហ៍នេះថា ខ្លួននឹងបង្កើនការចំណាយលើវិស័យការពារជាតិរបស់ខ្លួនចំនួន ៧.២ភាគរយ នៅឆ្នាំនេះ ដោយជំរុញឱ្យមានថវិកាយោធាដែលបានកើនឡើងច្រើនជាងពីរដងក្រោមការកាន់តំណែងរយៈពេល ១១ ឆ្នាំរបស់ប្រធានាធិបតីចិន លោក Xi Jinping ខណៈដែលទីក្រុងប៉េកាំងពង្រឹងជំហររបស់ខ្លួនចំពោះតៃវ៉ាន់។
ទីក្រុងប៉េកាំងកាលពីខែមុនបានចាប់ផ្តើមការល្បាតឆ្មាំឆ្នេរសមុទ្រជាទៀងទាត់នៅជុំវិញកោះ Kinmen ដែលគ្រប់គ្រងដោយកោះតៃវ៉ាន់ ដែលអោបឆ្នេរសមុទ្រចិន បន្ទាប់ពីអ្នកនេសាទចិនពីរនាក់បានស្លាប់ព្យាយាមរត់គេចពីឆ្មាំឆ្នេរសមុទ្រតៃវ៉ាន់។
ប្រភព៖ Inquirer Net
ប្រែសម្រួលដោយ៖ ឡាយ លីហួ
