កម្លាំងអាវុធហត្ថខេត្តតាកែវ ឃាត់ខ្លួនជនសង្ស័យម្នាក់ ដកហូតបានកញ្ឆាក្រៀមជិត ២គីឡូក្រាម នៅស្រុកសំរោង

ភ្នំពេញ៖ នាថ្ងៃទី០៦ ខែមករា ឆ្នាំ២០២៤ ដោយបានទទួលបទបញ្ជាពីលោកឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ និងសម្របសម្រួលនីតិវិធីដោយលោក សុឹម ជុំសុខហេង ព្រះរាជអាជ្ញារង អមសាលាដំបូងខេត្តតាកែវ កម្លាំងជំនាញការិយាល័យប្រឆាំងគ្រឿងញៀន មន្ទីរស្រាវជ្រាវនិងបង្ក្រាបបទល្មើស បានសហការជាមួយកម្លាំងអង្គភាពនគរបាលយុត្តិធម៌ កម្លាំងមូលដ្ឋានស្រុកសំរោង និងកម្លាំងមូលដ្ឋានស្រុកព្រៃកប្បាស ចុះបង្ក្រាបករណី ជួញដូរគ្រឿងញៀនខុសច្បាប់បានចំនួនពីរលើក៖

*លើកទី១៖ នៅវេលាម៉ោង ១៦:១០នាទី ថ្ងៃទី០៥ ខែមករា ឆ្នាំ២០២៤ បានបង្ក្រាបករណីកញ្ឆាក្រៀម ជាក់ស្តែង នៅភូមិរវៀង ឃុំរវៀង ស្រុកសំរោង ខេត្តតាកែវ។
-លទ្ធផល៖ ឃាត់ខ្លួនជនសង្ស័យបាន០១នាក់ ឈ្មោះ អួក ពៅ ហៅ ជាងលឺម ភេទប្រុស អាយុ៥៨ឆ្នាំ ជនជាតិខ្មែរ មុខរបរជាងផ្ទះ រស់នៅភូមិរវៀង ឃុំរវៀង ស្រុកសំរោង ខេត្តតាកែវ។
-ដកហូតវត្ថុតាង៖ កញ្ឆាក្រៀមចំនួន០១ថង់ ទម្ងន់: ២គីឡូក្រាម , ទូរស័ព្ទ០១គ្រឿង(ណូគាអិនចុចពិល)។

*លើកទី២៖ នៅវេលាម៉ោង ១៧:៤០នាទីរសៀលថ្ងៃទី០៥ ខែមករា ឆ្នាំ២០២៤ បានបង្ក្រាបករណីគ្រឿងញៀនជាក់ស្តែង នៅចំណុចវាលស្រែ ក្នុងភូមិព្រៃឈើខាងកើត ឃុំព្រៃផ្ដៅ ស្រុកព្រៃកប្បាស ខេត្តតាកែវ។
-លទ្ធផល៖ ឃាត់ខ្លួនជនសង្ស័យបាន០១នាក់
ឈ្មោះ គង់ សំអឿន ហៅ ទី ភេទប្រុស អាយុ៣២ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិដុង ឃុំព្រៃផ្ដៅ ស្រុកព្រៃកប្បាស ខេត្តតាកែវ។
-ដកហូតវត្ថុតាង៖ ម្សៅក្រាមពណ៌សថ្លាចំនួន០១កញ្ចប់ ទម្ងន់:០៦១ក្រាម (គិតទាំងសំបកថង់ , ម៉ូតូ០១គ្រឿង ម៉ាកស្កុបពី ពណ៌ស ស្លាកលេខ កំពង់ស្ពឺ 1G 0018 , ទូរស័ព្ទ០១គ្រឿង(ម៉ាកអូប៉ូ)។

បច្ចុប្បន្ន ជនសង្ស័យនិងវត្ថុតាងត្រូវបានឃាត់ខ្លួន រក្សាទុកនៅទីបញ្ជាការដ្ឋានកងរាជអាវុធហត្ថខេត្ត ដើម្បីការិយាល័យជំនាញកសាងសំណុំរឿងបញ្ជូនទៅសាលាដំបូងខេត្តតាកែវ ចាត់ការតាមនីតិវិធី ៕