អ៊ីស្រាអែលឈានជើងចូលតំបន់ហ្គាហ្សាភាគខាងត្បូង ខណៈជនស៊ីវិលស្វែងរកសុវត្ថិភាព
ហ្គាហ្សា៖ កងទ័ពអ៊ីស្រាអែលបានប្រយុទ្ធជាមួយក្រុមហាម៉ាសនៅចំកណ្តាលទីក្រុងដ៏ធំបំផុតនៅភាគខាងត្បូងនៃតំបន់ហ្គាហ្សា ហើយបានឲ្យដឹងថាពួកគេបានឡោមព័ទ្ធផ្ទះមេដឹកនាំសកម្មប្រយុទ្ធនេះ ខណៈដែលជនស៊ីវិលរាប់ពាន់នាក់បានភៀសខ្លួនបានស្វែងរកទីជម្រកនៅជិតប្រទេសអេហ្ស៊ីប និងនៅតំបន់មាត់សមុទ្រដ៏ស្ងាត់ជ្រងំនៃតំបន់ជុំវិញនោះ។
Gazans បានសម្រុកចូលទៅក្នុងទីក្រុង Rafah នៅតាមព្រំដែនជាមួយប្រទេសអេហ្ស៊ីប ដោយផ្អែកលើខិត្តប័ណ្ណ និងសាររបស់អ៊ីស្រាអែលដែលបញ្ជាក់ថាពួកគេនឹងមានសុវត្ថិភាពនៅក្នុងទីក្រុង។
ប៉ុន្តែពួកគេនៅតែមានការភ័យខ្លាចបន្ទាប់ពីការវាយប្រហាររបស់អ៊ីស្រាអែលទៅលើផ្ទះមួយនៅទីនោះបានសម្លាប់មនុស្ស ១៥ នាក់កាលពីថ្ងៃពុធ ទី៦ ខែធ្នូ នេះបើយោងតាមមន្ត្រីសុខាភិបាលនៅ Rafah ។
យោធាអ៊ីស្រាអែលបានលើកឡើងថា ខ្លួនបានឈានចូលទៅកន្លែងមួយនៃទីក្រុងធំបំផុតនៅភាគខាងត្បូងនៃតំបន់ហ្គាហ្សា គឺខាន់ យូនីស ជាលើកដំបូង។ កងកម្លាំងប្រដាប់អាវុធរបស់ក្រុមហាម៉ាស ដែលជាកងពលតូច អាល់កាសាម បាននិយាយថា ការប្រយុទ្ធគឺសាហាវ
អ្នកស្រុកបានឲ្យដឹងថា ការទម្លាក់គ្រាប់បែករបស់អ៊ីស្រាអែលកាន់តែខ្លាំងឡើង បានសម្លាប់ និងធ្វើឲ្យរងរបួសដល់ជនស៊ីវិល ហើយរថក្រោះបានប្រយុទ្ធជាមួយពួកសកម្មប្រយុទ្ធប៉ាឡេស្ទីនភាគខាងជើង និងខាងកើតនៃ Khan Younis ។
ប្រភព៖ CNA
ប្រែសម្រួលដោយ៖ ហៃ ឆៃមុីនាង
