ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា មានប្រសាសន៍ថា វិស័យកសិកម្មនៅតែវិស័យអាទិភាពសំខាន់នៅប្រទេសកម្ពុជា៕
សម្តេចធិបតី ហ៊ុន ម៉ាណែត មានប្រសាសន៍បែបនេះក្នុងឱកាសដែលសម្តេច បានអញ្ជើប្រកាសដាក់ឱ្យអនុវត្តជាផ្លូវការ នូវកម្មវិធីគោលនយោបាយអាទិភាពទី៥ និងទី៦ របស់រាជរដ្ឋាភិបាល នីតិកាលទី៧ នៃរដ្ឋសភា នាព្រឹកថ្ងៃចន្ទ ៨កើត ខែកត្តិក ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២០ ខែវិច្ឆិកា ឆ្នាំ២០២៣។
សម្តេចធិបតី នាយករដ្ឋមន្ត្រី មានប្រសាសន៍បន្តថា ការដាក់ចេញកម្មវិធីនយោបាយអាទិភាពចំនួន៣នាថ្ងៃនេះ គឺជាកម្មវិធី នយោបាយអាទិភាពចុងក្រោយទំាង៦ដែលរាជរដ្ឋាភិបាលក្នុងនីតិកាលទី៧នេះត្រូវផ្សព្វផ្សាយឱ្យបានមុន ដំណាច់ឆ្នាំ២០២៣នេះ។
សម្តេចធិបតី នាយករដ្ឋមន្ត្រី បានបញ្ជាក់ថា ទោះបីដាក់ចេញយុទ្ធសាស្រ្តធ្វើទំនើបកម្មឌីជីថលក៏ដោយ ប៉ុន្តែមិនអាច បំភ្លេចចោលកសិកម្មឡើយ ដោយសារតែមនុស្សនៅតែហូបចុកជាប្រចាំថ្ងៃ ៕
