ឧត្តមសេនីយ៍ទោ សួស សុខដារ៉ា ដឹកនាំកិច្ចប្រជុំបូកសរុបលទ្ធផលកិច្ចប្រតិបត្តិការប្រចាំខែ តុលា ឆ្នាំ២០២៣ និងទិសដៅការងារបន្ត
ភ្នំពេញ៖ លោកឧត្តមសេនីយ៍ទោ សួស សុខដារ៉ា ស្នងការនគរបាលខេត្តព្រះវិហារ នាថ្ងៃព្រហស្បតិ៍ ទី២ ខែវិច្ឆិកា ឆ្នាំ២០២៣ បានដឹកនាំកិច្ចប្រជុំបូកសរុបលទ្ធផលកិច្ចប្រតិបត្តិការប្រចាំខែ តុលា ឆ្នាំ២០២៣ និងទិសដៅការងារបន្ត។ ក្នុងកិច្ចប្រជុំនេះដែរ អញ្ជើញចូលរួមពីសំណាក់លោក លោកស្រីឧត្តមសេនីយ៍ វរសេនីយ៍ស្នងការរង លោកអនុផែន លោក លោកស្រីនាយ នាយរងការិយាល័យ លោកអធិការ អធិការរងក្រុង/ស្រុកទាំង០៨ និងលោកនាយប៉ុស្តិ៍នគរបាលរដ្ឋបាលទាំង ៥១ប៉ុស្តិ៍ សរុបចំនួន ២០៥នាក់ ស្រី ០៨នាក់។
ក្នុងកិច្ចប្រជុំដែរ លោកវរសេនីយ៍ទោ យី សេងខាន់ នាយរងការិយាល័យសរុបផែនការ អានរបាយការណ៍ស្តីពីលទ្ធផកកិច្ចប្រតិបត្តិការរក្សាសន្តិសុខសណ្តាប់ធ្នាប់សាធារណៈប្រចាំខែ តុលា ឆ្នាំ២០២៣ និងលើកទិសដៅការងារបន្តជូនកិច្ចប្រជុំ។
លោកឧត្តមសេនីយ៍ត្រី ឆយ បូរិន ស្នងការរងផែនការងារសេនាធិការ ធ្វើការផ្សព្វផ្សាយផែនការ ការពារសន្តិសុខ សុវត្ថិភាព សណ្តាប់ធ្នាប់សាធារណៈសង្គម ជូនសិស្សានុសិស្សប្រឡងសញ្ញាប័ត្រមធ្យមសិក្សាទុតិយភូមិ ឆ្នាំសិក្សា ២០២២-២០២៣ និងពិធីបិណ្យអុំទូក បណ្តែតប្រទីប សំពះព្រះខែ និងអកអំបុកខាងមុខនេះ។ ព្រមទាំងធ្វើការផ្សព្វផ្សាយពីសេចក្តីណែនាំ និងផែនការផ្សេងៗរបស់ស្នងការដ្ឋាននគរបាលខេត្ត និងក្រសួងមហាផ្ទៃជូនកិច្ចប្រជុំផងដែរ។
ជាកិច្ចបន្ត លោកឧត្តមសេនីយ៍ទោ សួស សុខដារ៉ា ស្នងការនគរបាលខេត្ត បានមានប្រសាសន៍បូកសរុប និងធ្វើការណែនាំដល់កងកម្លាំងទាំងអស់ឲ្យយកចិត្តទុកដាក់លើការងារមួយចំនួនដើម្បីពង្រឹងសុវត្ថិភាពសង្គម ដូចជាបញ្ហាក្មេងទំនើង, គ្រឿងញៀន, ល្បែងស៊ីសង និងធ្វើការរឹតបណ្តឹង និងផ្សព្វផ្សាយពីច្បាប់ចរាចរណ៍ផ្លូវគោកឲ្យបានទូលំទូលាយ និងបទល្មើសព្រហ្មទណ្ឌផ្សេងៗ ដែលកើតមាននៅក្នុងមូលដ្ឋានត្រូវតែធ្វើការបង្រ្កាប និងទប់ស្កាត់ឲ្យទាន់ពេលវេលា។ ជាពិសេសគឺការរក្សាសន្តិសុខ សុវត្ថិភាព សាធារណៈសង្គម ដើម្បីធ្វើឲ្យការងារគោលនយោបាយភូមិ ឃុំ សង្កាត់មានសុវត្ថិភាពឲ្យកាន់តែប្រសើរឡើង ។
ជាថ្មីម្តងទៀត លោកឧត្តមសេនីយ៍ទោ ស្នងការ បានធ្វើការគោតសរសើរដល់កងកម្លាំងទាំងអស់ តែងតែយកចិត្តទុក្ខដាក់ធ្វើការងារ បម្រើរាជរដ្ឋាភិបាល និងបម្រើប្រជាពលរដ្ឋដោយយកចិត្តទុក្ខដាក់បំផុត។ ជាចុងបញ្ចប់សូមគោរពជូនពរ សមាជិក សមាជិកា ក្នុងកិច្ចប្រជុំទាំងទាំងអស់ជូបនូវពុទ្ធពរទាំង ៤ប្រការគឺ អាយុ វណ្ណៈ សុខៈ ពលៈ កុំបីឃ្លាតឡើយ ៕
