ស្នងការនគរបាលខេត្តព្រះវិហារ បើកកិច្ចប្រជុំបូកសរុបលទ្ធផលកិច្ចសហប្រតិបត្តិការប្រចាំខែកញ្ញា ឆ្នាំ២០២៣ និងលើកទិសដៅការងារបន្ត
ភ្នំពេញ៖ ស្នងការដ្ឋាននគរបាលខេត្តព្រះវិហារ នៅថ្ងៃអង្គារទី២៦ ខែកញ្ញា ឆ្នាំ២០២៣ បានរៀបចំកិច្ចប្រជុំបូកសរុបលទ្ធផលកិច្ចសហប្រតិបត្តការប្រចាំខែ កញ្ញា ឆ្នាំ ២០២៣ ក្រោមអធិបតីភាពលោកឧត្តមសេនីយ៍ទោ សួស សុខដារ៉ា ស្នងការនគរបាលខេត្ត។
ក្នុងកិច្ចប្រជុំដែរអញ្ជើញចូលរួមពីលោក លោកស្រីស្នងការរងទទួលផែន លោក លោកស្រីប្រធាន អនុប្រធានការិយាល័យ លោកអធិការក្រុង/ស្រុកទាំង ០៨ និងលោកនាយប៉ុស្តិ៍នគរបាលរដ្ឋបាលទាំង ៥១ប៉ុស្តិ៍ សរុបចំនួន ១៩៣នាក់ ស្រី ២៦នាក់។
ជាកិច្ចចាំផ្តើម លោកវរសេនីយ៍ឯក ឆន សំអុល នាយការិយាល័យសរុបផែនការ បានអានរបាយការណ៍ប្រចាំខែ កញ្ញា ឆ្នាំ ២០២៣ ជូនកិច្ចប្រជុំ។ លោកឧត្តមសេនីយ៍ត្រី ឆយ បូរិន ស្នងការរងផែនការងារសេនាធិការ បានធ្វើការផ្សព្វផ្សាយអំពីផែនការ ការពារសន្តិសុខ សុវត្ថិភាព និងសណ្តាបធ្នាប់សាធារណៈ ក្នុងពិធីបុណ្យកាន់បិណ្ឌ ភ្ជុំបិណ្ឌប្រពៃណីជាតិឆ្នាំ២០២៣ និងកិច្ចការពារសន្តិសុខ សុវត្ថិភាពជូនសម្តេចមហាបវរធិបតី ហ៊ុន ម៉ាណែត ដែលជានាយករដ្ឋមន្រ្តី នៃព្រះរាជាណាចក្រកម្ពុជា ប្រតិភូអមដំណើរ និងភ្ញៀវជាតិ អន្តរាជាតិ ដែលអញ្ជើញជាអធិបតីក្នុងពិធីបូងសួងរំលឹកគុណបុព្វបុរស់ខ្មែរ និងអបអរសារទ ការចុះរមណីដ្ឋានប្រាសាទកោះកេរ ក្នុងបញ្ជីបេតិកភណ្ឌពិភពលោក ដែលស្ថិតនៅភូមិកោះកេរ ឃុំស្រយ៉ង់ ស្រុកគូលែន ខេត្តព្រះវិហារខាងមុខនេះ។
ជាកិច្ចបញ្ចប់លោកឧត្តមសេនីយ៍ទោ សួស សុខដារ៉ា ស្នងការនគរបាលខេត្ត មានប្រសាសន៍បូកសរុបយ៉ាងក្បោះក្បាយ និងដ៏មានអត្ថន័យ និងធ្វើការគោតសរសើរ ដល់កងកម្លាំងដែលខិតខំបម្រើការងារជូនអង្គភាពឲ្យមានប្រសិទ្ធភាព និងបម្រើដល់សាធារណះជនគ្រប់កាលៈទេសៈ។
លោកឧត្តមសេនីយ៍ទោ បានបន្តជម្រុញដល់ កងកម្លាំងយើងឲ្យយកចិត្តទុក្ខដាក់ខ្ពស់ ចំពោះបញ្ហាភូមិ ឃុំ សង្កាត់មានសុវត្ថិភាព (បង្រ្កាបក្មេងទំនើង ល្បែងស៊ីសង ចោរកម្ម.ល.ល ឲ្យខានតែបាន)។ ជាពិសេសនាពេលខាងមុខនេះសូមឲ្យកម្លាំងយើងទាំង ០៨ក្រុង/ស្រុក ធ្វើកាសហការជាមួយអាជ្ញាធរមូលដ្ឋានអោយបានល្អ ដើម្បីការពារសន្តិសុខ សុវត្ថិភាពជូនដល់ប្រជាពលរដ្ឋទាំងក្នុងនិងក្រៅស្រុក ក្នុងឱកាសពិធីបុណ្យកាន់បិណ្ឌ ភ្ជុំបិណ្ឌខាងមុខនេះ ៕
