តៃប៉ិ តៃវ៉ាន់÷ព្យុះទីហ្វុង Haikui ត្រូវបានគេរំពឹងថានឹងបោកបក់នៅតៃវ៉ាន់ ក្បែរទីក្រុង Taitung ភាគអាគ្នេយ៍នៅម៉ោងប្រហែល ៥ ល្ងាច។នេះបើយោងតាមការិយាល័យអាកាសធាតុកណ្តាលរបស់កោះ។Haikui នឹងក្លាយជាព្យុះទីហ្វុងទីមួយក្នុងរយៈពេលបួនឆ្នាំដែលវាយប្រហារកោះនេះដោយផ្ទាល់។
យោងតាមការិយាល័យអាកាសធាតុបានឱ្យដឹងថា ព្យុះទីហ្វុងនេះកំពុងធ្វើដំណើរឆ្ពោះទៅទិសខាងលិចក្នុងល្បឿន ៩ គីឡូម៉ែត្រ (៥.៥៩ ម៉ាយក្នុងមួយម៉ោង) និងមានខ្យល់បក់ក្នុងល្បឿន ១៤៤ គីឡូម៉ែត្រក្នុងមួយម៉ោង (៨៩.៥ ម៉ាយក្នុងមួយម៉ោង) ។ការិយាល័យបាននិយាយថា វាត្រូវបានគេរំពឹងថានឹងនាំមកនូវភ្លៀងធ្លាក់ខ្លាំងដល់ភាគខាងកើតកោះតៃវ៉ាន់ ដោយបន្ថែមថាតំបន់ភ្នំនៃស្រុក Hualien អាចនឹងមានភ្លៀងធ្លាក់សរុបលើសពី ៥០០mm ក្នុងរយៈពេល ២៤ ម៉ោងបន្ទាប់។ការិយាល័យបានព្រមានថា ភ្លៀងធ្លាក់ខ្លាំងអាចបង្កឲ្យមានទឹកជំនន់ភ្លាមៗ និងការបាក់ដី។
ក្រសួងមហាផ្ទៃកោះនេះបានអោយដឹងថា គិតត្រឹមម៉ោង ៧ ព្រឹកថ្ងៃអាទិត្យ អ្នកស្រុកជាង ២.៨០០ នាក់ក្នុងសង្កាត់ និងក្រុងចំនួន ៧ ត្រូវបានជម្លៀសចេញ។ស្រុក និងទីក្រុងចំនួនប្រាំពីរនៅភាគខាងត្បូង និងភាគខាងកើតកោះតៃវ៉ាន់បានផ្អាកការសិក្សា និងធ្វើការសម្រាប់ថ្ងៃអាទិត្យ នេះបើយោងតាមរដ្ឋាភិបាលក្នុងតំបន់រៀងៗខ្លួន។លើសពីនេះ ស្រុក Yunlin និងស្រុក Penghu ដែលនៅឆ្ងាយនឹងផ្អាកការសិក្សា និងធ្វើការចាប់ពីថ្ងៃត្រង់ថ្ងៃអាទិត្យ។
ព្យុះទីហ្វុងនេះបាននាំឱ្យមានការលុបចោលជើងហោះហើរក្នុងស្រុកចំនួន ២២២ និងជើងហោះហើរអន្តរជាតិចំនួន ៣៧ ដែលចាកចេញពីតៃវ៉ាន់ នេះបើយោងតាមក្រសួងដឹកជញ្ជូន និងទំនាក់ទំនងរបស់តៃវ៉ាន់។
នៅទីក្រុងហុងកុង ដែលនៅជិតខាងនោះ យ៉ាងហោចណាស់មនុស្ស ៨៦ នាក់បានរងរបួសត្រូវបានរាយការណ៍ពីព្យុះទីហ្វុង Saola ដែលបានបោកបក់នៅក្នុងទីក្រុងនេះ បន្ទាប់ពីបានឆ្លងកាត់ភាគឦសាននៃប្រទេសហ្វីលីពីន។
នៅក្នុងការអាប់ដេតកាលពីថ្ងៃសៅរ៍ អាជ្ញាធរហុងកុងបាននិយាយថា ពួកគេបានទទួលរបាយការណ៍ជាង ១,៥០០ អំពីដើមឈើដួលរលំ ២១ ករណីនៃទឹកជំនន់ និងរបាយការណ៍ចំនួនពីរនៃការបាក់ដី។ចាប់តាំងពីពេលនោះមក ព្យុះទីហ្វុងបានចុះខ្សោយទៅជាព្យុះត្រូពិច ប៉ុន្តែបានបន្សល់ទុកនៅពេលនោះ ជើងហោះហើររាប់រយត្រូវបានលុបចោល និងរំខាន។
ប្រភពព័ត៌មាន: CNN News
ប្រែសម្រួលដោយ: Yen Sovannara
