ឯកឧត្ដម ហេង រតនា អគ្គនាយកស៊ីម៉ាក់ បានលើកឡើងពីបទពិសោធន៍មួយ នៃការបោសសម្អាតគ្រាប់មីន នៅកម្ពុជា ដោយក្នុងនោះឯកឧត្ដមរៀបរាប់ថា ហានិភ័យនៃគ្រោះថ្នាក់ដោយសារផ្ទុះគ្រាប់មីននៅពេលកំពុងប្រតិបត្តិការ ក្នុងនោះធម្មជាតិខ្លះក៏បន្ថែមការលំបាកនិងបន្ថែមគ្រោះថ្នាក់ដល់មនុស្សលោកដែរ! ។
ករណីស្ថានភាពគ្រាប់មីនស្ថិតនៅពីក្រោមឫសឈើបែបនេះ ប្រសិនជាអ្នកឯកទេសបោសសម្អាតមិនបានអនុវត្តម៉ឺងម៉ាត់តាមនីតិវិធីប្រតិបត្តិការនោះទេ គ្រាប់មីននេះអាចនឹងផ្ទុះឡើង។
តាមធម្មតាម៉ាស៊ីនរាវមីន ឱ្យសញ្ញាសំឡេងសង្ស័យមានលោហធាតុនៅចំនុចនេះ ក្នុងករណីដែលអ្នកឯកទេសចាប់ផ្តើមកកាយដីរកគោលដៅនៃលោហធាតុបង្កសំឡេង ពេលនោះនឹងជួបឧបសគ្គឫសឈើនេះ ហើយក្នុងករណីដែលអ្នកឯកទេសព្យាយាមយកឧបសគ្គឫសឈើចេញ កាត់ដោយរណាឬកាប់ដោយពូថៅ ពេលនោះកំលាំងសង្កត់លើគ្រាប់មីនកំរិតណាមួយនោះ នឹងអាចបង្កឱ្យគ្រាប់មីននេះផ្ទុះឡើងភ្លាម!! ករណីបែបនេះធ្លាប់បង្កគ្រោះថ្នាក់ស្លាប់ឬរបួសអ្នកដោះមីននៅអង្គភាពខ្លះកន្លងមកដែរ! ។
ក្នុងរូបភាពនេះអ្នកឯកទេសរបស់យើងមានជំនាញច្បាស់លាស់និងមានការប្រុងប្រយត្ន័ខ្ពស់ទើបរុករកគ្រាប់មីននេះឃើញ និងកំទេចគ្រាប់មីននេះចោលដោយសុវត្ថិភាព! (គ្រាប់មីននេះរកឃើញនៅទិសខេត្តពោធិ៍សាត់) ៕
