បណ្ឌិត ហ៊ុន ម៉ាណែត៖ ការដាក់ចេញគោលនយោបាយមួយ មិនមែនគ្រាន់តែស្អាត ឬពិរោះស្ដាប់ទេ ប៉ុន្ដែជាការដាក់ចេញ ដើម្បីផ្ដល់ប្រយោជន៍ដល់ប្រជាជន
ភ្នំពេញ៖ ក្នុងឱកាសអញ្ជើញជួបសំណេះសំណាលជាមួយកម្មករ និយោជិក នៅតំបន់វត្តព្រៃស្ពឺ ខណ្ឌពោធិ៍សែនជ័យ រាជធានីភ្នំពេញ នាថ្ងៃទី២៩ ខែសីហា ឆ្នាំ២០២៣ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រី នៃកម្ពុជា ថ្លែងថា ការដាក់ចេញនូវគោលនយោបាយមួយ គឺមិនមែនជាការដាក់ចេញ នូវគោលនយោបាយដែលស្អាត ឬពិរោះស្ដាប់នោះទេ ប៉ុន្ដែជាការដាក់ចេញនូវគោលនយោបាយ ដែលផ្ដល់ផលប្រយោជន៍ដល់ប្រជាជន។
បណ្ឌិត ហ៊ុន ម៉ាណែត បញ្ជាក់ថា គោលនយោបាយដែលបានដាក់ចេញហើយ គឺត្រូវតាមដានលើការអនុវត្ត ចំពោះគោលនយោបាយទាំងនោះ ឱ្យបានជាប់ជានិច្ច ៕
