ឯកឧត្តម វ៉ា ថន សូមសម្តែងនូវអំណរសារទរយ៉ាងស្មោះស្ម័គ្របំផុតគោរពជូនចំពោះ ឯកឧត្តម ស សុខា ដែលត្រូវបានព្រះមហាក្សត្រ តែងតាំងជា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ

ភ្នំពេញ៖ ឯកឧត្តម វ៉ា ថន អភិបាលខេត្តក្រចេះ សូមគោរពសម្តែងនូវអំណរសារទរយ៉ាងស្មោះស្ម័គ្របំផុតគោរពជូនចំពោះ ឯកឧត្តម ស សុខា នាឱកាសដែលរដ្ឋសភា នីតិកាលទី៧ បោះឆ្នោតផ្តល់សេចក្តីទុកចិត្តជា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងត្រូវបាន ព្រះករុណាព្រះបាទ សម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា ត្រាស់បង្គាប់តែងតាំងជា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។

តាងនាមក្រុមប្រឹក្សាខេត្ត គណៈអភិបាលខេត្ត មន្ត្រីរាជការ កងកម្លាំងប្រដាប់អាវុធ ព្រះសង្ឃ ព្រមទាំង ប្រជាពលរដ្ឋក្នុងខេត្តក្រចេះទាំងមូល សូមគោរពសម្តែងនូវអំណរសារទរយ៉ាងស្មោះស្ម័គ្របំផុតគោរពជូនចំពោះ ឯកឧត្តម ស សុខា នាឱកាសដែលរដ្ឋសភានីតិកាលទី៧ បោះឆ្នោតផ្តល់សេចក្តីទុកចិត្តជា ឧបនាយក រដ្ឋមន្ត្រី រដ្ឋមន្ត្រីក្រសួងមហាផ្ទៃ និងត្រូវបាន ព្រះករុណាព្រះបាទ សម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ត្រាស់បង្គាប់តែងតាំងជា ឧបនាយក រដ្ឋមន្ត្រី រដ្ឋមន្ត្រីក្រសួងមហាផ្ទៃ។

ការទទួលបានតួនាទី ភារកិច្ចដ៏ឧត្តុង្គឧត្តមនេះ គឺ ពិតជាស័ក្តិសមបំផុតចំពោះ ឯកឧត្តម ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលជាមគ្គុទ្ទេសក៍វ័យក្មេងដ៏ឆ្នើមមួយរូប មានគុណធម៌ សីលធម៌ សមត្ថភាពពេញលេញ បទពិសោធន៍ និងឆន្ទៈមោះមុត ម៉ឺងម៉ាត់ ម៉ត់ចត់ ប្រកបដោយទស្សនវែងឆ្ងាយបន្តដឹកនាំ គ្រប់គ្រងក្រសួងមហាផ្ទៃ ដើម្បីសម្រេចបាននូវសមិទ្ធផលថ្មីៗបន្ថែមទៀត ក្នុងការបន្តដឹកនាំអនុវត្តគោលនយោបាយ កម្មវិធីកំណែទម្រង់នានា ការបន្តកំណែទម្រង់គោលនយោបាយវិមជ្ឈការ និងវិសហមជ្ឈការ ជាមួយតួនាទីភារកិច្ច ដែលរាជរដ្ឋាភិបាលប្រគល់ជូន រួមចំណែកដឹកនាំជាតិមាតុភូមិ និងប្រជាជនកម្ពុជា ជាពិសេសនឹងរួមចំណែកក្នុង ការកសាង ពង្រឹងសុខសន្តិភាព ការបន្តធានាការពារឯករាជ្យជាតិ និងអធិបតេយ្យជាតិ ការបន្តពង្រឹងសន្តិសុខ ស្ថិរភាព និងសណ្ដាប់ធ្នាប់សង្គម ការបន្តលើកកម្ពស់ជីវភាពរស់នៅរបស់ប្រជាជន ព្រមទាំងការបន្តលើកកម្ពស់ លទ្ធិប្រជាធិបតេយ្យសេរីឮហបក្ស និងកិត្យានុភាពជាតិនៅលើឆាកអន្តរជាតិ។

យើងខ្ញុំទាំងអស់គា្ន មានជំនឿយ៉ាងមុតមាំថា ក្រសួងមហាផ្ទៃក្រោមការដឹកនាំ គ្រប់គ្រងរបស់ ឯកឧត្តម ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នឹងបន្តមានការរីកចម្រើនថ្មីៗថែមទៀត ក្នុងការរួមចំណែក ជាមួយរាជរដ្ឋាភិបាលកម្ពុជា អាណត្តិទី៧ នេះ។

ឆ្លៀតក្នុងឱកាសដ៏ប្រសើរថ្លៃថ្លានេះ យើងខ្ញុំទាំងអស់គ្នា សូមលើកហត្ថប្រណមបួងសួងដល់គុណបុណ្យ ព្រះរតនត្រ័យ គុណកែវទាំងបី ព្រមទាំងវត្ថុស័ក្តិសិទ្ធិក្នុងលោក សូមតាមជួយថែរក្សា ការពារ និងប្រោះព្រំប្រទាន ពរជ័យ បវរសួស្តីជូនចំពោះ ឯកឧត្តម ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និង លោកជំទាវ ព្រមទាំង បុត្រា បុត្រី សូមសមប្រកបដោយពុទ្ធពរទាំងបួនប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ ៕