មេដឹកនាំក្រុមហេសបូឡា ប្រកាសថាអ៉ីស្រាអែលមិនអាចបន្តស្ថិតនៅក្នុងប្រទេសលីបង់បានឡើយ ហើយត្រៀមឆ្លើយតបវិញ ចំពោះការរំលោភបំពានណាមួយពីសំណាក់អ៉ីស្រាអែល
បេរូត៖ បើយោងតាមការចញផ្សាយដោយទីភ្នាក់ងារសារព័ត៌មាន Reuters មេដឹកនាំក្រុមហេសបូឡា លោក Naim Qassem បាននិយាយកាលពីថ្ងៃអាទិត្យ ទី២១ ខែមិថុនា ថាអ៉ីស្រាអែលមិនអាចបន្តស្ថិតនៅក្នុងប្រទេសលីបង់បានឡើយ ហើយក្រុមរបស់ខ្លួននឹងឆ្លើយតបវិញ ចំពោះការរំលោភបំពានណាមួយពីសំណាក់ភាគីអ៉ីស្រាអែល។
ការអត្ថាធិប្បាយរបស់លោក Qassem ធ្វើឡើងបន្ទាប់ពីរដ្ឋមន្ត្រីការពារជាតិអ៉ីស្រាអែល លោក Israel Katz បាននិយាយថា ទាហានអ៉ីស្រាអែលមានសេរីភាព ក្នុងការធ្វើសកម្មភាពដោយគ្មានការរឹតត្បិត ដើម្បីលុបបំបាត់ការគំរាមកំហែងនៅលីបង់ បើទោះបីជាមានបទឈប់បាញ់ដែលទើបប្រកាស កាលពីថ្ងៃសុក្រសប្តាហ៍មុនក៏ដោយ។
ការប្រយុទ្ធគ្នានៅលីបង់ រវាងក្រុមហេសបូឡា និងអ៉ីស្រាអែល គឺជាចំណុចលំបាកមួយក្នុងកិច្ចចរចា ដើម្បីបញ្ចប់សង្រ្គាមពេញលេញនៅមជ្ឈិមបូព៌ា។ មន្ត្រីអ៉ីរ៉ង់និយាយថា លីបង់គឺជាចំណុចគោលសម្រាប់កិច្ចចរចាសន្តិភាពថ្ងៃអាទិត្យ ជាមួយអាមេរិក នៅប្រទេសស្វីស៕
