ឯកឧត្តម សួន រស្មី និងឯកឧត្តម ភឹម ភីរ៉ា អញ្ជេីញជាអធិបតីក្នុងវគ្គបណ្តុះបណ្តាល និងផ្សព្វផ្សាយស្តីពី “ការងារអធិការកិច្ចពាក់ព័ន្ធនឹងវិស័យមុខងារសាធារណៈ” នៅខេត្តក្រចេះ
ភ្នំពេញ៖ ឯកឧត្តម សួន រស្មី អគ្គាធិការ នៃអគ្គាធិការដ្ឋានក្រសួងមុខងារសាធារណៈ និង ឯកឧត្តម ភឹម ភីរ៉ា អភិបាលរងខេត្តក្រចេះ តំណាងដ៏ខ្ពង់ខ្ពស់ ឯកឧត្តម វ៉ា ថន អភិបាលខេត្ត នាព្រឹកថ្ងៃទី១៨ ខែសីហា ឆ្នាំ២០២៣ បានអញ្ជេីញជាអធិបតីក្នុងវគ្គបណ្តុះបណ្តាល និងផ្សព្វផ្សាយស្តីពី “ការងារអធិការកិច្ចពាក់ព័ន្ធនឹងវិស័យមុខងារសាធារណៈ” នៅសាលមហោស្រពខេត្តក្រចេះ។
ក្នុងឱកាសនោះ ឯកឧត្តម សួន រស្មី អគ្គាធិការ នៃអគ្គាធិការដ្ឋានក្រសួងមុខងារសាធារណៈ បានអញ្ជេីញធ្វេីបទបង្ហាញក្នុងវគ្គបណ្តុះបណ្តាលនិងផ្សព្វផ្សាយ។
សមាសភាពចូលរួមមាន ថ្នាក់ដឹកនាំ មន្ត្រីរាជការអគ្គាធិការដ្ឋាន នាយក នាយករងរដ្ឋបាលខេត្ត អភិបាលក្រុង ស្រុក ប្រធានមន្ទីរមុខងារសាធារណៈខេត្ត ប្រធានមន្ទីរ/អង្គភាពជុំវិញខេត្ត នាយករដ្ឋបាលក្រុង ស្រុក ប្រធានការិយាល័យអប់រំ យុវជន និងកីឡា ក្រុង ស្រុក ប្រធានកម្រងសាលាបឋមសិក្សាក្រុង ស្រុក ប្រធានការិយាល័យទទួលបន្ទុកបុគ្គលិករដ្ឋបាលក្រុង/ស្រុក មន្ទីរ/អង្គភាព ប្រធានការិយាល័យគ្រប់គ្រងធនធានមនុស្ស ក្រុង ស្រុក មន្ត្រីជំនាញទទួលបន្ទុកការងារបៀវត្សបុគ្គលិក ស្មៀនឃុំ-សង្កាត់ និងមន្ត្រីរាជការនៃមន្ទីរមុខងារសាធារណៈ សរុបប្រមាណ ៣០៥នាក់ ៕
