ទីក្រុង DALIAN ប្រទេសចិន÷Wu Lei និង Jiang Guangtai បានស៊ុតបញ្ចូលទីនាំឱ្យក្រុមបាល់ទាត់បុរសចិនទទួលបានជ័យជម្នះ ២-០ លើប៉ាឡេស្ទីនក្នុងការប្រកួតមិត្តភាពអន្តរជាតិនៅទីនេះកាលពីថ្ងៃអង្គារ។បន្ទាប់ពីការទទួលជ័យជម្នះយ៉ាងត្រចះត្រចង់ក្នុងលទ្ធផល ៤-០ ទល់នឹងមីយ៉ាន់ម៉ាកាលពីថ្ងៃសុក្រមុន ប្រទេសចិនបានបន្តបង្ហាញភាពខ្លាំងរបស់ពួកគេនៅចំពោះមុខអ្នកគាំទ្រផ្ទះចំនួន ១៦,០០០ នាក់។ខ្សែការពារ Gao Zhunyi ស្ទើរតែរកបានគ្រាប់បាល់បើកឆាកនៅនាទីទី ២១ នៅពេលដែលការតែតបាល់បញ្ចូលទីដ៏មានអានុភាពរបស់គាត់ពីការទាត់ជ្រុងបានវាយបាល់ចូល។
នៅនាទីទី ៣៤ Wu បានបំបែកការជាប់គាំងសម្រាប់ក្រុមម្ចាស់ផ្ទះ ខណៈដែលគាត់បានស៊ុតបញ្ចូលទីត្រង់ៗ បន្ទាប់ពីការបញ្ជូនបាល់យ៉ាងជាក់លាក់របស់ Gao ពីផ្នែកខាងឆ្វេងនៃតំបន់ពិន័យ។ប៉ាឡេស្ទីនបានបង្កើនការខិតខំប្រឹងប្រែងរបស់ពួកគេបន្ទាប់ពីចប់តង់ទីមួយ និងបានបង្កើតឱកាសស៊ុតបាល់បញ្ចូលទីជាច្រើន ដោយការស៊ុតបាល់ពីចម្ងាយរបស់ Tamer Seyam បានស៊ុតបាល់បញ្ចូលទីនៅនាទី ៦១។
ចិនបានបន្ថែមការនាំមុខរបស់ពួកគេនៅនាទី ៦៦ នៅពេល Jiang រកបានគ្រាប់បាល់អន្តរជាតិដំបូងរបស់គេ។”ការឈ្នះទាំងពីរជាមួយនឹង Clean Sheet គឺមានសារៈសំខាន់ខ្លាំងណាស់សម្រាប់ក្រុមក្នុងការកសាងទំនុកចិត្តរបស់យើង។យើងបានបង្ហាញពីភាពប្រសើរឡើងមួយចំនួននៅក្នុងការប្រកួតទាំងពីរ ប៉ុន្តែនៅតែមានការកែសម្រួលជាច្រើនដែលត្រូវធ្វើ។លោក Aleksandar Jankovic គ្រូបង្វឹកក្រុមចិនបាននិយាយនៅក្នុងសន្និសីទក្រោយការប្រកួត។
ប្រភពព័ត៌មាន:Xinhua
ប្រែសំរួលដោយៈយ៉េន សុវណ្ណារ៉ា
